Receta

Qofte me spinaq shoqëruar me xaxiq nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 26 Prill, 11:53 | Përditesimi: 26 Prill, 11:55

Qofte me spinaq shoqëruar me xaxiq

Përbërësit:

Për qoftet:

LEXO EDHE:
Pulë me oriz në furrë nga zonja Albana

1 kg spinaq
100 gr gjizë/djathë
2 thelpinj hudhër
1 kokërr vezë
1 tufë kopër
Kripë, piper i zi
Miell misri për pudrosje
Vaj për skuqje

Për xaxiqin:

Salcë kosi
Kastravec
Hudhër
Vaj ulliri
Uthull të bardhë
Kopër
Kripë, piper

Përgatitja:

Spinaqin pasi e kemi larë mirë e vendosim të ziejë në ujë të vluar me pak kripë. Më pas e kullojmë, e shtrydhim dhe e kalojmë për 1 minut në tigan me pak vaj. Aty shtojmë gjizë ose djathë të bardhë, një vezë, dy thelpinj hudhër të grirë imët, një tufëz kopër, kripë dhe piper të zi. E punojmë brumin e qofteve me duar, e ndajmë në qofte të rrumbullakëta të cilat i lyejmë me pak miell misri dhe i skuqim në vaj të nxehtë. Qoftet i servirim me një salcë xaxiqi të përgatitur me salcë kosi, kastravec të grirë në rende, hudhër të shtypur, vaj ulliri, uthull të bardhë, kripë, piper të zi dhe kopër.

MC/Shqiptarja.com

TAG: