Receta

Qofte të mbështjella me patëllxhanë dhe salcë domate në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Maj 2023, 12:03 | Përditesimi: 19 Maj 2023, 12:04

Qofte të mbështjella me patëllxhanë dhe salcë domate në furrë

Përbërësit:

3 patëllxhanë
250 gr mish i grirë
1 qepë
1 lç sodë buke
1 vezë
Pak galetë
Kripë, piper i zi
2 domate
2 speca jeshil

Për salcën:

LEXO EDHE:
Pulë e mbushur nga zonja Albana

2 lgj salcë
2 domate
1 tufë majdanoz
Vaj ulliri
Kripë, piper

Përgatitja:

Patëllxhanët pasi i presim në shirita i skuqim në vaj vegjetal. Ndërkohë mishin e grirë e bashkojmë me qepën e grirë imët, sodën, vezën, galetën, kripën dhe piperin.

Krijojmë qoftet në formën e suxhukut, të cilat i mbështjellim me patëllxhanët duke i rrotulluar role. Në një tavë të rrumbullakët vendosim qoftet e mbështjella me patëllxhanë, anës tyre vendosim spec jeshil të prerë rrethor dhe feta domatesh. Sipër hedhim salcën e domates me 2 domate të grira në rende kripë, piper dhe majdanoz të grirë me vaj ulliri. E vendosim tavën në furrë në 180 gradë për 40 minuta.

MC/Shqiptarja.com

TAG: