QSUT pa lekë, 2400 mjekë
s’kanë marrë pagën e dhjetorit
Bluzat e bardha të Qendrës Universitare Spitalore “Nënë Tereza” nuk kanë marrë ende pagën e dhjetorit. Bëhet fjalë për rreth 2400 persona, të cilët rroga mujore duhet t’u kishte kaluar në llogarinë bankare që me datë 3 janar.
Shefa shërbimesh, mjekë, infermierë, laborantë por edhe punonjës të administratës së Qendrës Universitare Spitalore “Nënë Tereza”, ende nuk kanë rrogën e dhjetorit. Të paktën deri mbrëmjen e djeshme, në llogaritë bankare të rreth 2400 punonjësve të qendrës më të madhe universitare në vend nuk ka kaluar asnjë lek. Ndërkohë që duke qenë se sot dhe nesër bankat nuk punojnë për shkak të fundjavës, administrata e këtij institucioni shëndetësor duhet të presë të hënën për të marrë rrogën, e cila duhet t’u kishte kaluar që me datë 3 janar. Po për shkak të festave të fundvitit, shkresa zyrtare për pagat e këtij dikasteri është dërguar pranë institucioneve përkatëse që ditën e martë. Ndërkohë që burime zyrtare pranë këtij dikasteri, sqarojnë se nuk ka probleme me pagat, por është thjesht çështje vonesash për shkak të ditëve të festave të fundvitit.
ProblemiE kanë nisur vitin duke kërkuar borxhe. Kjo ka ndodhur me stafin e mjekëve të QSUT-së, të cilët, megjithëse data sot shënon 14 janar, nuk kanë marrë ende pagën e dhjetorit. Punonjësit shprehen të alarmuar nga kjo situatë, pasi sipas tyre, ankesave të shumta që i kanë depozituar në drejtorinë e QSUT-së, u është dhënë një përgjigje negative. “Nuk ka lekë, na kanë thënë në drejtori. Ne jemi ankuar disa herë dhe kemi kërkuar shpjegime se kur të do të marrim rrogën, por ata ngrenë supet. Kjo është një situatë absurde. Nuk është se na janë vonuar 2 ditë pagat dhe ne po e ngremë zërin më kot, por u bënë 10 ditë. Me çfarë të rrojmë ne 10 ditë?”, - na thotë një infermiere që shërben në repartin e infektivit, e cila shpjegon se me pagën e saj heqin një pjesë të madhe të shpenzimeve familjare.
Punonjësit e këtij dikasteri, të cilët e kanë provuar disa herë nëse kishin kaluar paratë ose jo, na thonë se, megjithëse u ishte premtuar që dje do të mund t’i merrnin rrogat, deri në mbrëmje nuk është bërë asnjë lëvizje, ndërsa shpresat shuhen për fundjavë dhe duhet të presin të hënën. “Po na ikën truri, ne atë rrogë mezi e presim, ndërsa këta as që e vënë ujin në zjarr. Na janë vonuar edhe vitet e tjera, por jo si këtë herë. Zakonisht ne e marrim rrogën me datë 2 ose 3 të çdo muaji. U bënë gati 10 ditë që ka kaluar afati”, - na thotë një tjetër infermiere e QSUT-së.
Ndërkohë që burime zyrtare pranë Qendrës Universitare Spitalore “Nënë Tereza”, na shpjegojnë se kjo çështje do të zgjidhet shumë shpejt dhe se shkresa zyrtare dhe listë pagesat janë dërguar që ditën e martë, me datë 3 janar pranë degës së thesarit. “Nuk ka asnjë problem me pagat, - na shpjegojnë burime zyrtare pranë QSUT. – Bilancet janë dërguar dhe dega e thesarit do të lëvrojë paratë. Nëse janë vonuar disa ditë, kjo ka ardhur për shkak të festave të fundvitit. Asnjë punonjës nuk do të mbetet pa marrë atë që i takon”, - na pohojnë ata.
Qeveria blen bono thesari për të zhbllokuar pagat Në fakt mjaft institucione shtetërore po vuajnë mungesën e parave. Dhe për të dalë nga kjo situatë, Qeveria bleu vetëm më datë 10 janar, në formën e bonove, 260 milionë dollarë (në lekë). Një pjesë e madhe e këtij fondi do të shkojë edhe për pagat e asaj pjese të administratës kanë probleme me pagat, por duket se mjekët e QSUT-së, nuk kanë qenë me fat që të përfitojnë nga kjo skemë që ka përdorur qeveria për të shmangur krizën që e ka përfshirë. Pagat e personelit të spitalit lëvrohen vetëm një herë në muaj, dhe jo me 15-ditsha.
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
25.8%
-
Pak
40.6%
-
Aspak
33.5%
Vota total: 1262
Votat totale janë unike
Lajme të tjera
-
Sherr me thika mes dy të rinjve në Pogradec, një i plagosur! Arrestohet 24-vjeçari
27 Korrik, 22:41
-
Politika s’ka moral, por kjo jona s’ka edhe logjikë
27 Korrik, 22:36
-
'Më kapi për fyti ...', shqiptarja denoncon ish-bashkëshortin grek në polici
27 Korrik, 22:35
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
Rikthehet Festivali i Porto Palermos, 12 netë magjike në kalanë e ‘Ali Pashës’! Olen Cesari flet për Report Tv: Promovojmë Shqipërinë në botë
27 Korrik, 22:13
-
Zjarri në Shëngjin, Report Tv sjell pamjet me dron
27 Korrik, 22:02
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55
-
Lojërat Olimpike në Francë, flamuri i eventit u ngrit përmbys! Ngatërrohet Koreja e Jugut me të Veriut
27 Korrik, 21:35
-
Fusha e mbetjeve 3 ditë në flakë, protestë para Bashkisë së Vlorës: Duam Turizëm
27 Korrik, 21:24
-
Sherr në restorantin në Vlorë, i mituri godet me thikë 38-vjeçarin me probleme të shëndetit mendor
27 Korrik, 21:11
-
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Humbi jetën pasi ra nga Maja e Thatë në Tropojë, nxirret trupi i pajetë i 30-vjeçarit nga Kosova! 3 të tjerë në gjendje të mirë
27 Korrik, 21:01