POP 5

Lajmet më të lexuara të 5 minutave të fundit

Kronikë

QSUT: S’kemi faj për
vdekjen e diabetikut

Bashkim Hasanit, 35-vjeçarit që ka ndërruar jetë një javë më parë në QSUT, nuk i është injektuar serum me glukozë por fiziologjik. Ndërkohë që pacienti nuk i është nënshtruar autopsisë, pasi ka ndërruar jetë, pasi nuk kanë pranuar familjarët.
QSUT: S’kemi faj për<br />vdekjen e diabetikut
TIRANE - Drejtoria e Qendrës Universitare Spitalore “Nënë Tereza”, e cila është vënë nën akuzë nga media, se bluzat e bardha kanë mjekuar gabim dhe si pasojë kanë sjellë vdekjen 35 vjeçarit, Bashkim Hasani, deklarojnë se ata nuk kanë faj për vdekjen e këtij pacienti.

Sipas tyre gjithçka është e dokumentuar dhe lehtësisht e verifikueshme. “Drejtoria e përgjithshme e Qendrës Spitalore “Nënë Tereza” deklaron se sa i përket vdekjes së një pacienti në urgjencën e spitalit nr. 2, drejtuesit e institucionit organizuan një takim me mjekët e shërbimit të rojes së urgjencës kirurgjikale, medikale dhe të reanimacionit.

Në këtë takim u raportua se rasti u paraqit tek urgjenca kirurgjikale me dhimbje barku, për të cilat iu bënë të gjitha ekzaminimet dhe konsultat e nevojshme. Gjendja e pacientit Bashkim Hasani ishte tepër e rënduar dhe pas ekzaminimeve të kryera u dërgua menjëherë në sallën e emergjencës dhe u intubua, iu bë goditje elektrike, por nuk mundi të rikthehet në jetë.

Gjatë 2 orëve të qëndrimit në spital, pacientit Hasani iu bë serum fiziologjik dhe ringerlaktak, kjo e dokumentuar në regjistër dhe jo glukoze siç thuhej në media. Ndërkohë pasi vdes i sëmuri është në dëshirën e familjarëve, kjo e përcaktuar edhe në ligj, nëse trupit të viktimës i bëhet ose jo, autopsia mjekësore.

Në këtë rast familjarët e viktimës Bashkim Hasani refuzuan bërjen e autopsisë së të afërmit të tyre. Sipas kontakteve tona me institucionin e mjekësisë ligjore emri i Bashkim Hasanit nuk rezulton të ketë kaluar për autopsi”, - sqaron QSUT.

URDHRI I MJEKUT

Faik Toska, president i “Urdhrit të Mjekut”, për Tiranën, deklaron se ata po e hetojnë këtë rast, por nuk është ashtu siç raportohet në media. “Në këtë rast nuk i është dhënë serum me glukozë, por fiziologjik dhe kjo është e dokumentuar, ashtu siç është e dokumentuar deklarata me shkrim e të afërmëve që nuk –pranojnë të bëjnë autopsi.

Kështu që përfundime të tilla, nuk janë të vërteta, dhe e i japin një rrjedhë jo të drejtë çështjes pasi vetëm autopsia mund të japë një vendim të saktë se çfarë ia ka shkaktuar vdekjen”, - shpjegon kreu i “Urdhrit të Mjekut”, Faik Toska, i cili sqaron se tashmë kanë nisur procedurat për hetimin dhe zbardhjen e këtij rasti, ku mjekët janë vënë nën akuzë, për mjekim të gabuar.

Shkrimi u botua sot në gazetën Shqiptarj.com (print) 11.06.2013
 
Redaksia Online
(b.m/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

VIDEO/ Bournemouth turpëron Manchester Unitedin, e mposht 0-3 në

VIDEO/ Bournemouth turpëron Manchester Unitedin, e mposht 0-3 në "Old Trafford"

22 Dhjetor, 17:08