Qullë me kos dhe mish, një recetë e vjetër e traditës nga zonja Albana

Qullë me kos dhe mish

Përbërësit:

• Mish sipas dëshirës
• Kripë, rigon
• Piper i zi
• Piper i kuq
• 4 thelpinj hudhër
• 1 vezë
• 1-2 lgj gjalpë
• 2 lgj miell
• 1 e 1/2 gotë kos
• Lëngu i 1 limoni
• Sipas dëshirës arra të thërrmuara

Përgatitja:

Mishin e kaurdisim në një tigan me pak yndyrë. Pasi mishi të ndryshojë ngjyrë shtojmë ujë dhe e lemë të ziejë.

Në një tigan me gjalpë kaurdisim miellin derisa të ndryshojë ngjyrë, më pas shtojmë mishin dhe vazhdojmë kaurdisjen. Shtojmë lëngun e mishit, kripë, piper dhe erëza sipas dëshirës. Rrahim vezën me kosin, shtojmë dhe thelpinjtë e hudhrës të shtypura. E shtojmë këtë masë tek gatimi dhe e vendosim në furrë për disa minuta. Në fund shtojmë pak lëng limoni dhe arra të thërrmuara dhe e kemi gati për t’a servirur.

MC/Shqiptarja.com

TAG:
• zonjaalbana
• qulle
• Mish
• kos
• tradite
• shije