TIRANE - Ambasada e Shteteve të Bashkuara të Amerikës në Tiranë ka publikuar një njoftim për të gjithë shtetasit amerikanë resident në Shqipëri të mos shqetësohen për produktet e qumështit të konstatuara me aflatoksinë.

Në njoftim bëhët me dije se aflatoksina shpesh mund të gjendet tek qumështi, por në doza të vogla dhe kjo nuk duhet të bëjë shqetësim për qytetarët.

Ajo mund të jetë e dëmshme nëse përdoret për një kohë shumë të gjatë dhe nëse produkti i konsumuar ka nivele të larta të aflatoksinës. Ambasada amerikane sqaron se nuk informacion, që tregon se aflatoksina në produktet shqiptare ishte në nivel të lartë.

Bazuar në rezultatet paraprake të testit, Instituti Shqiptar i Sigurisë Ushqimore dhe Veterinarisë ka përcaktuar se nivelet e aflatoxinës, që gjenden në qumështin e prodhuar në vend dhe të importuar janë më të larta se nivelet e lejuara nga Bashkimi Evropian.

Ambasada rekomandon, që si një masë paraprake qytetarët amerikanë duhet të shmangin përdorimin e markave, që janë kostatuar nga Autoriteti Ushqimor Shqiptar si të dëmshme derisa informacione të më të hollësishme të jenë në dispozicion.

Gjithashtu fton shtetasit amerikanë, që për çdo informacion të nevojshëm t’i referohen edhe deklaratës zyrtare të Autoritetit Kombëtar të Ushqimit, i cili i ka kërkuar të gjitha kompanive të publikojnë produktet, që kanë nivel më të lartë aflatoksine se sa niveli i lejuar nga BE.

Redaksia Online
(ad.ti/shqiptarja.com)