Receta

Qumështor pa petë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Mars, 11:21 | Përditesimi: 19 Mars, 11:23

Qumështor pa petë

Përbërësit:

1 litër qumësht
5 vezë
5 lgj sheqer
50 gr gjalpë
1 majë luge kripë
3 lugë gjelle miell

Përgatitja:

LEXO EDHE:
Thjerrëza me perime, një recetë plot shije ideale për Iftar nga zonja Albana

Rrahim vezët mirë duke shtuar pak nga pak sheqerin dhe duke vijuar rrahjen pa ndërprerje derisa sheqeri të shkrijë dhe vezët të rrisin volumin. Shtojmë gjalpin e tretur, pak qumësht e më pas miellin e situr, e përziejmë mirë derisa mielli të mos ketë kokrriza. Shtojmë dhe qumështin e mbetur dhe e trazojmë mirë, duke hedhur një majë luge kripë. Masën me qumësht dhe vezë e kullojmë në sitë e më pas në tenxheren e vendosur në zjarr e përziejmë vazhdimisht derisa të formohet një masë kremoze e trashë (pa e lënë të kalojë në vlim). Lyejmë një tavë me gjalpë, hedhim qumështorin dhe lyejmë sipërfaqen me të verdhë veze. E vendosim tepsinë në furrë në temperaturën 180 gradë Celsius për 20-30 minuta, derisa sipërfaqja të marrë një ngjyrë të artë të errët.