Qumështori çam nga zonja Albana

Qumështori Çam

Përbërësit:

• 1.5 litër qumësht
• 200 gr sheqer
• 2 lgj miell
• 2 lgj niseshte
• 6 kokrra vezë
• 1 e verdhe veze
• Vanilje

Për dy petët:

• 1 gotë miell
• 1 lgj kos
• 1 lgj uthull
• Pak kripë

Përgatitja:

Fillimisht përgatisim brumin për realizimin e 2 petëve. Miellin e përziejmë me kosin, uthullën, kripën dhe gjalpin. E punojmë dhe shtojmë aq ujë sa duhet. E lemë të pushojë. Ndërkohë në një tas rrahim vezët me sheqerin. Qumështin e kemi zjerë pak. Në një tas tjetër kemi bashkuar miellin me niseshten e holluar me pak qumësht. Këtë masë e bashkojmë me vezët, shtojmë qumështin e ngrohtë dhe e lëmë kremin të mpikset. Petën e parë e bëjmë të madhe që të dalë jashtë buzëve të tepsisë dhe tjetrën më të vogël. Vendosim kremin e qumështorit mbi petën e shtruar në tavë, mbledhim anësoret rreth kremit. Me një të verdhë veze me pak qumësht lyejmë sipërfaqen dhe e vendosim qumështorin të piqet në furrë në temperaturën 200 gradë Celsius aq kohë sa të marrë ngjyrë kafe të lehtë.

MC/Shqiptarja.com

TAG:
• zonjaalbana
• qumeshtori çam
• qumeshtori tradicional me pete
• embelsire tradite
• shije