POP 5

Lajmet më të lexuara të 5 minutave të fundit

Politikë

"CEZ", Spaho: Hetimi do bëhet
mazhoranca po përpiqet ta mbyllë

Hetimi ndërkombëtar për çështjen CEZ si kërkesë e Partisë Demokratike vazhdon të thellohet me tej nga kjo forcë në kërkesat e saj. PD këmbëngul në kërkesën e saj si dhe vazhdon t’i qëndrojë mendimit se tërheqja nga Arbitrazhi përmes marrëveshjes së arritur me kompaninë çeke për zgjidhjen me mirëkuptim të kontestit, i shkaktoi qytetarëve shqiptarë një dëm prej 2 miliardë eurosh.  VIDEO
"CEZ", Spaho: Hetimi do bëhet<br />mazhoranca po përpiqet ta mbyllë
Hetimi ndërkombëtar për çështjen CEZ si kërkesë e Partisë Demokratike vazhdon të thellohet me tej nga kjo forcë në kërkesat e saj. PD këmbëngul në kërkesën e saj si dhe vazhdon t’i qëndrojë mendimit se tërheqja nga Arbitrazhi përmes marrëveshjes së arritur me kompaninë çeke për zgjidhjen me mirëkuptim të kontestit, i shkaktoi qytetarëve shqiptarë një dëm prej 2 miliardë eurosh.

Edmond Spaho, në një dalje për mediat akuzoi Ramën dhe Gjiknurin si autorët e vjedhjes duke i cilësuar edhe si avokatët e skandalit më të madh financiar të shekullit Në fjalën e tij Spaho shprehu vendosmërinë e opozitës për hetimin ndërkombëtar të çështjes, pavarësisht, siç tha ai, përpjekjeve për ta mbyllur këtë aferë nga ana e mazhorancës.

Deklaratë e nënkryetarit të Partisë Demokratike, Edmond Spaho
Ka vetëm një njeri sot, që marrjen e 600 milionë eurove nga xhepat e shqiptarëve dhe faljen e kësaj shumë kompanisë CEZ, e quan marrëveshje të mirë.Ky është Edi Rama, i cili edhe mbrëmë, përmes zëdhënësit të tij Gjiknuri, sërish e cilësoi marrëveshje të mirë.Për Edi Ramën, zëdhënësin e tij, e kushdo tjetër që është përfshirë në aferën më të madhe korruptive në historinë e vendit kjo është një marrëveshje e mirë.

Të ndash 600 milionë euro në një kohë kur kryeministri e soji i tyre janë sulur për të vjedhur e zhvatur, është patjetër një marrëveshje e mirë.Sa më shumë e mbrojnë, sa më shumë bëjnë avokatin, aq më shumë identifikohen si autorët e vjedhjes së shekullit.

Opozita, Partia Demokratike e denoncoi të nesërmen e 31 korrikut, ditën kur kjo marrëveshje kriminale me CEZ kaloi në parlament përmes deputetëve kartona.Avokatët ndërkombëtarë të qeverisë i rekomanduan Edi Ramës jo vetëm të mos falë këto 600 milionë euro, por i thanë se ekzistojnë të gjitha rrethanat për të pretenduar 2 miliardë euro prej kompanisë CEZ, për shkeljet që ajo i kishte bërë kontratës.Shtypi, agjensitë ndërkombëtare hetuan e nxorën të palarat në shesh.

Së fundmi, Kontrolli i Lartë i Shtetit, ka konstatuar se me marrëveshjen me CEZ, shtetit, qytetarëve të këtij vendi, u është bërë një dëm prej 479 milionë eurosh.Këtu përfshihen detyrimet e njohura prej kompanisë, që u falën.Përfshihen edhe 95 milionë eurot që qeveria ia dha në fund në dorë kompanisë, si shpërblim për këtë marrëveshje kriminale.

Pra i dha edhe 95 milionë euro, pasi ndau me të qindra miliona euro të tjera.Çdo faktor jashtë këtij pakti, avokatët ndërkombëtar, opozita, shtypi, kontrolli i lartë i shtetit, qytetarët e vendit, e denoncojnë skandalin më të madh financiar të vendit. Vetëm për Edi Ramën kjo është një marrëveshje e mirë dhe e mbron me çdo kusht.

Por është i izoluar, i rrethuar në krimin e tij. Hetimi do të bëhet. Kjo çështje do të zbardhet deri në fund.Këto para janë pasuria e vendit, me të cilat është bërë pazar për tu mbushur xhepat e Edi Ramës dhe skotës se tij. Nuk janë letra që rriten në kopshtin e saraveje të Surrelit. Janë mundi, djersa gjaku i shqiptarëve.

Janë para që nuk shkojnë për rritje rrogash e pensionesh, për rrugë e spitale, për kopshte e çerdhe, për krijimin e vendeve të punës. Janë para që u takojnë shqiptarëve, që u janë marrë me dhunë nga Edi Rama. Por nuk kanë për ta mbyllur dot këtë aferë pavaresisht se edhe dje refuzuan hetimin nderkombëtar duke mos pranuar futjen ne kalendarin e punës të Kuvendit të propozimit të Partisë Demokratike për këtë qëllim.

Paratë do gjenden, përgjegjësit do shkojnë para ligjit. Bashkë me zbardhjen e këtij skandali, do të zbardhë një ditë e re për vendin, demokracia e re, ku qeveria vendos bashkë me qytetarët dhe prihet nga interesat e tyre.

Redaksia online
(s.m/shqiptarja.com)

 

  • Sondazhi i ditës:

    Sipas jush, kush mund ta ndihmojë më shumë Shqipërinë në rast fitoreje?

Lajme të tjera



×

Lajmi i fundit

Votat e diasporës pritet të përcaktojnë emrin e presidentit në Moldavi! Kandidati prorus në avantazh me 0,5%

Votat e diasporës pritet të përcaktojnë emrin e presidentit në Moldavi! Kandidati prorus në avantazh me 0,5%

3 Nëntor, 22:43