POP 5

Lajmet më të lexuara të 5 minutave të fundit

Politikë

"Drejtësia" Basha: Referendumi e
ka emrin zgjedhje të parakohshme

Kryetari i opozitës Lulzim Basha e sheh si një mundësi të shkëlqyer që u jepet shqiptarëve referendumi për reformën në drejtësi . Sipas Bashës një referendum i tillë përkthehet me mbajtjen e zgjedhjeve të parakohshme.
"Drejtësia" Basha: Referendumi e<br />ka emrin zgjedhje të parakohshme
Kryetari i opozitës Lulzim Basha e sheh si një mundësi të shkëlqyer që u jepet shqiptarëve referendumi për reformën në drejtësi. Sipas Bashës një referendum i tillë përkthehet me mbajtjen e zgjedhjeve të parakohshme.
 
“Referendumi është vërtet një mundësi e shkëlqyer. Referendumi e ka emrin zgjedhje të parakohshme, shansi që qytetarët të cilët me kohë e kanë grisur kontratën me Edi Ramën, të japin gjykimin e tyre përfundimtar për qeverisjen e tij të dështuar, të korruptuar dhe kriminale,” shkruan Basha.

Në deklaratën e tij kryetari i opozitës thotë se kompsomisi për reformën në drejtësi nuk është pazar por e kundërta e këtij pretendimi. Duke renditur një sërë aferash korruptive, Basha thotë se gjithçka po ndodh me reformën në drejtësi është përpjekje e kryeministrit për të kapur drejtësinë.

Deklarata e plotë e Lulzim Bashës.
Kush e quan pazar, konsensusin që kërkon komisioni i Venecias për reformën në drejtësi?

Tregtari i paskrupullt i politikës, spekulanti më i madh i pazareve më të pista në vend, ai që ka bërë pakt me krimin, themeluesi i aleancës së qelbësirave, ai që i zvarritej Nanos dhe i përkuljes Metës kur ia lypte nevoja dhe sa kalonte lumin ngrinte kurthe për ta, politikani që ska mbajtur një fjalë apo një premtim që ditën e parë e deri më sot.

E quan pazar konsensusin, njeriu që futi kriminelët në bashki, zyra publike e Parlament, erdhi me ta në pushtet e ndau pushtetin me ta.

E quan pazar konsensusin për drejtësinë, kumbari i pazareve me doganat dhe tatimet, me shullazët dhe habilajt, me tenderat dhe koncesionet, me papulët dhe carapulët, nushët e beqët.

Konsensusi që kërkon komisioni i Venecias, është rruga që e shpëton drejtësinë nga kapja politike. Konsensusi zhduk pazarin, është e kundërta e tij.
Pikërisht, kësaj i druhet Rama, ky është temjani që e tremb atë.

Sepse një drejtësi e pakapur është problem serioz për këtë që ndau me CEZ-in 600 milionë euro, për këtë që ka dhënë mbi 360 milionë euro koncesione miqve të tij. Është problem drejtësia e pakapur për përgjegjësin e 777 milionë euro vjedhje në tendera, për 400 milionë dollarë që u vodhën vjet në dogana.

Një drejtësi e pakapur do të ishte në anën e Qamil Zelës, Llazi Nasit, Gjovalin Lazrit, Arif Dodës, Bruna Mekës, Mark Brahimajt, Fluturim Cukut e shumë qytetarëve që korrupsioni, padrejtësia, arroganca e qeverisë dhe bandave të Edi Ramës u mori jetën.

E po kështu, një drejtësi e pakapur do të ishte problem për prengët, ndokët, bushët, roshët, pecët, ndonët e cubat e Edi Ramës, për kokëdhimët, tahirët, beqajt, ahmetajt e gjiknurët e për vetë kreun e bandës së 40 hajdutëve.

Dhe një drejtësi e pakapur, do të zhvlerësonte armën diabolike që ka Rama, dosjet dhe shantazhet që mban për aleatin e tij Meta dhe kundërshtarët brenda partisë e të korruptuarit e politikës kudo qofshin.

Kjo është e tmerrshme për Edi Ramën, ndaj ai këmbëngul të kapë me çdo kusht drejtësinë, edhe pse ashtu si Venecia edhe opinioni vendas e ndërkombëtar kërkon të kundërtën.

Referendumi është vërtet një mundësi e shkëlqyer. Referendumi e ka emrin zgjedhje të parakohshme, shansi që qytetarët të cilët me kohë e kanë grisur kontratën me Edi Ramën, të japin gjykimin e tyre përfundimtar për qeverisjen e tij të dështuar, të korruptuar dhe kriminale.


Reagim për media i nënkryetarit të grupit parlamentar socialist, Taulant Balla:



Reagon Balla: Kokëtrashësia e Bashës do habiste dhe Saliun
Në emër te qeverisë së vjetër, Lulzim Basha, nxori sot një fletërrufe të radhës kundër Kryeministrit, që për nga gjuha e urrejtjes dhe kokëtrashësia e arsyetimit do të kishte habitur edhe Saliun nëse ky i fundit nuk do kishte rrjedhur!

Ju bëj thirrje të gjithëve ta lexoni fletërrufenë e sotme për të parë me sytë tuaj se si qeveria e vjetër jo vetëm s'po bëhet dot opozitë por po degradon edhe më keq s'e ç'ishte kur e nxorët nga zyrat me 1 milionë shuplaka.

Redaksia Online
(u.s/shqiptarja.com)
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01