"Drejtësia", Nishani: Palët të
negociojnë në frymën e Venecias

Bashkëpunim sipas frymës së propozimeve të Komisionit të Venezias i ka kërkuar Presidenti Nishani palëve politike bë vend për të realizuar reformën në drejtësi
Duke e konsideruar atë një nga prioritetet kyce jo vetëm të politikës por edhe si kërkesë të shqiptarëve për ndryshim Nishani tha se falë edhe angazhimit së partnerëve tanë, ky proces ka hyrë në një fazë kyçe.

"Prej qershorit 2014, kur Shqipëria mori statusin e vendit kandidat, vendi ynë ka bërë përparim, por ai nuk ka qenë i mjaftueshëm për të hapur negociatat e anëtarësimit me Bashkimi Evropian. Arsyet janë të shumta, por edhe detyrat e përgjegjësitë mbeten të njëjtat: plotësimi i 5 prioriteteve bazë, ku spikat e shumëkërkuara nga shqiptarët, reforma në sistemin e drejtësisë. Falë edhe angazhimit së partnerëve tanë, ky proces ka hyrë në një fazë kyçe, ku me gjithë defiçitet e panevojshme, procesi mund të rigjallërohet përmes bashkëpunimit të hapur e vullnetmirë në kornizën kuadër që ka ofruar Komisioni i Venecias.
 
Përfitoj nga rasti, t’u bëj edhe një herë thirrje të gjitha palëve, politike dhe të shoqërisë civile, që me transparencën e nevojshme dhe duke i qëndruar besnikë angazhimit të parë për të përqafuar frymën dhe orientimet tashmë eksplicite të Komisionit të Venecias, të dakordësojnë sa më parë paketën ligjore. Në këtë frymë konstruktive do të vazhdoj të mbështes plotësisht dhe të lehtësoj, nëse nevojitet, çdo përpjekje e angazhim."-mësohet të ketë thenë presidenti Nishani