POP 5

Lajmet më të lexuara të 5 minutave të fundit

Kosova & Rajoni

"Elektrokosmeti’ i Serbisë kërkon
ndihmë Policia e Kosovës

Koorporata energjetike e Serbisë në veri të Kosovës, “Elektrokosmet”, e cila prej vitesh operon në mënyrë ilegale në këtë pjesë të vendit, ka kërkuar ndihmë nga Policia e Kosovës, gjatë aksionit që ka filluar këto ditë për prerjen e linjave për debitorët borxhlinj.
TIRANE- Koorporata energjetike e Serbisë në veri të Kosovës, “Elektrokosmet”, e cila prej vitesh operon në mënyrë ilegale në këtë pjesë të vendit, ka kërkuar ndihmë nga Policia e Kosovës, gjatë aksionit që ka filluar këto ditë për prerjen e linjave për debitorët borxhlinj.

Në kërkesën e kësaj organizate dërguar me shkrim Drejtorisë së Policisë së Kosovës për rajonin e veriut, të cilën Kosovapress-i ka arritur ta sigurojë, thuhet mes tjerash se “aksioni përfshinë territorin e veriut të Mitrovicës, Leposaviqit, Zubin Potokut dhe një pjese të Zveqanit, me ç’rast shpresojmë se do të na ofroni asistencë policore, me qëllim të realizimit të suksesshëm të këtij aksioni”.

Në anën tjetër, zëvendës drejtori i policisë rajonale në veri të Mitrovicës, Besim Hoti, ka mohuar që Policia e Kosovës të jetë në asistencë të Elektrokosmetit.

“Është e vërtetë se kemi marrë një njoftim nga kjo organizatë rreth kësaj çështje, por policia nuk është duke asistuar në këtë drejtim”, ka thënë shkurt për Kosovapress Hoti.

Ndryshe, para katër vitesh, pasi që Korporata Energjetike e Kosovës kishte ndërprerë rrymën në veri për shkak të mos pagesës, Serbia pati filluar të furnizojë këtë pjesë të Kosovës me energji elektrike.

Furnizimin e rrymës nga Serbia për serbët e pjesës veriore të Kosovës, Beogradi zyrtar e quajti atëherë furnizim humanitar, ndërsa serbët e veriut e kishin zgjidhur problemin e territ, duke u lidhur në sistemin elektro-energjetik të Serbisë.

Marrë nga Kosovapress
(sg/shqiptarja.com)

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze