Disa orë pas miratimit nen për nen të draftit për Reformën në Drejtësi jep mendimin e tij edhe avokati e politikani Spartak Ngjela. Përmes nëj statusi në rrjetin social Facebook shkruan se po vjen fundi i njerëzve të korruptuar të politikës shqiptare.

"Reforma mori përfundimisht potencimin e politikës amerikane.
Po kryeministri Rama?
Kuptohet se e fitoi lojen: i qëndroi tërësisht marrëveshjes me Shtëpinë e Bardhë.
Dhe është në apogjeun e tij politik: kundërshtarët e tij janë më në interes të votojnë Reformën; sesa të shkojnë në zgjedhje të reja.
A e dini se sa deputetë merr Reforma proamerikane dhe pro Bashkimit Europian në Shqipëri?
91 përqind të Parlamentit Shqiptar .
Ky është fundi i fëmijëve të korruptuar të politikës së lartë shqiptare. Nuk kanë më asnjë shpresë. Ja si tha Jul Qezari në një rast për të mundurin:
E vetmja shpresë e të mundurit, është që të mos ketë asnjë shpresë. “Tribunët” e korruptuar u treguan kalamaj."