POP 5

Lajmet më të lexuara të 5 minutave të fundit

Media

"Koha Jonë" nuk do botohet më
që nga muaji Maj, ja historia e saj

Gazeta “Koha Jonë” duke nisur që nga muaji Maj nuk do të dalë më në treg në versionin e saj print, por do të jetë vetëm online. Lajmi konfirmohet nga burime konfidenciale për “Shqiptarja.com” por pa bërë të ditur arsyen e tërheqjes së gazetës “Koha Jonë” nga tregu në versionin e saj print.
TIRANE - Gazeta “Koha Jonë” duke nisur që nga muaji Maj nuk do të dalë më në treg në versionin e saj print, por do të jetë vetëm online. Lajmi konfirmohet nga burime konfidenciale për “Shqiptarja.com” por pa bërë të ditur arsyen e tërheqjes së gazetës “Koha Jonë” nga tregu në versionin e saj print.

Gazeta "Koha Jonë" është e para gazetë e pavarur shqiptare. Ajo është themeluar nga ish-deputeti Nikollë Lesi, më 11 maj 1991 si gazetë lokale e qytetit të Lezhës.

Historia e gazetës “Koha Jonë”
Në fillim "Koha Jonë" botohej një herë në javë, me katër fletë. Më 1992 gazeta filloi të botohej dy herë në javë dhe konkretisht: çdo të martë dhe të premte, përsëri me katër fletë, ndërsa në  1992 "Koha Jonë" filloi botimin me 8 fletë. "Koha Jonë", më 1991 deri në fitoren e Partisë Demokratike Shqiptare më 1992, mbështeti opozitën, duke kritikuar ashpër Partinë e Punës së Shqipërisë. Me ardhjen e demokratëve në pushtet, "Koha Jonë" filloi të kritikonte segmente të caktuara të PD-së lidhurm me drejtimin e Shqipërisë. Në këtë kohë një pjesë e pushtetit filloi ofensivën për bllokimin e gazetës "Koha Jonë" dhe nxjerrjen e saj jashtë ligjit.

Ky konflikt solli edhe rritjen e interesit të publikut. Si pasojë e kësaj kërkese, gazeta më 1994 filloi të botohej e përditshme me 8 faqe dhe e shtrirë në të gjithë Shqipërinë.

Më 3 mars 1997 në orët e vona të mbrëmjes redaksia e gazetës shkatërrohet dhe digjet ndërsa zerat në atë kohë thanë se ishin forcat e policisë sekrete. Kjo sjell mbylljen e gazetës. Botimi i gazetës rifillon më datë 17 prill të po atij viti.

Gazeta, pas zgjedhjeve elektorale bëhet me 32 faqe. Por ajo filloi të kritikojë edhe qeverinë e re të socialistëve. Në këtë vit në vendin tonë lindin në tregun mediatik edhe gazeta të reja teksa fillimi i vitit 1998 shënon edhe krijimin e televizioneve të para private në Shqipëri. Kjo sjell edhe rënien e jehonës së gazetës në mënyrë graduale.

Në zgjedhjet parlamentare të vitit 2001 botuesi i "Koha Jonë" Nikollë Lesi kandidoi si kandidat i pavarur per deputet në qytetin e tij të lindjes në Lezhë ku dhe fitoi. Pas kësaj Lesi vendosi që të shkëputet nga drejtimi gazetës dhe t’i përkushtohet politikës për të iu rikthyer në vitin 2013.

Por as ky rikthim nuk do të sillte rritjen e shitjeve të kësaj gazette, ndërsa tashmë duke nisur që nga muaji maj, gazeta do të tërhiqet nga botimi në versionin print për të qenë vetëm online. 

Redaksia Online
(e.c/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48