"Konflikti President-Kuvend po
zhvendoset në sistemin e drejtësisë"

TIRANE- Komisioni parlamentar për reformën në drejtësi ka tërhequr vëmendjen për konfliktin mes Presidentit dhe Kuvendit, e cila po sjell dhe mos funksionimin e plotë në sistemin e drejtësisë. Ndaj dhe pritet, që bazuar në gjetjet e ekspertëve, të nisë hartimi i propozimeve për ndryshimin e Kushtetutës, por dhe të ligjeve që rregullojnë funksionimin e gjykatave dhe të institucioneve. 

“Mungesa e bashkëpunimit institucional President–Kuvend ka ndikuar jo vetëm në mosushtrimin si duhet të kompetencave kushtetuese nga Presidenti i Republikës, Kuvendi dhe KLD-ja në lidhje me sistemin e drejtësisë, por edhe në lindjen e mosmarrëveshjeve të kompetencave ndërmjet këtyre organeve kushtetuese dhe në mosdhënien e pëlqimit të Kuvendit për dekretet e Presidentit për emërimin e anëtarëve të GJK-së dhe të GJL-së”, thuhet në raportin përfundimtar të komisionit.