"Krisja" PS-LSI, Pëllumbi: Eshtë 
thashethem, Isaraj: I paguar nga media

TIRANE- Pavarësisht fryrjes së debatit mediatik i cili flet për një krisje mes Ramës dhe Metës, asnjë prej eksponentëve të kësaj partie nuk konfirmon shenja të kësaj ftohjeje mes dy partive kryesore të koalicionit qeverisës. Shumica dërrmuese e trupës politike e të dy partive refuzon të flasë për këtë çështje, ndërsa ata pak që i përgjigjen interesit mediatik, mohojnë të ketë një përçarje mes PS-së dhe LSI-së. Servet Pëllumbi, i njohur si anëtar i Këshillit të të Urtëve të PS, tha për “Shqiptarja.com” se ky është një thashetheme.

I pyetur se çfarë di ai lidhur me një krisje të marrëdhënieve mes Partisë Socialiste dhe Lëvizjes Socialiste për Integrim,  dhe a ka vërtetësi në zërat e përhapur në opinionin publik, Pëllumbi u shpreh: “Ky debat është një thashethem, dhe unë nuk mund të jap komente mbi një thashetheme të tillë”. Ndwrkohw qw nw lidhje me marrwdhwniet mes Metws dhe Ramws, Pwllumbi shprehet se wshtw kohw pushimesh verore. Edhe anëtari i kryesisë së PS-së, njëherësh zëvendës ministër i drejtësisë, Arben Isaraj, e konsideron këtë debat një prodhim i oratorëve të paguara për interesa të caktuara.