"Mbrojtja e fëmijëve
funksion i Avokatit të Popullit"

Në konferencën e mbajtur sot, “Të gjithë së bashku për një internet më të sigurt” Avokati i Popullit, Igli Totozani është shprehur se "sipas përcaktimeve kushtetuese ka në funksionet e tij mbrojtjen e të drejtave të njeriut, përfshirë këtu edhe të drejtat dhe liritë e fëmijëve”.

Në realizimin e këtij funksioni, vlerësimin dhe hetimin e ankesave të paraqitura pranë Avokatit të Popullit, mbahen në konsideratë parashikimet kushtetuese për të drejtat dhe liritë e fëmijëve, përcaktimet e akteve ndërkombëtare të ratifikuara nga vendi ynë, si Konventa e OKB “Për të drejtat e fëmijëve”, protokolli opsional i saj “Për shitjen e fëmijëve, prostitucionin dhe pornografinë.

Pranë Zyrës deri tani nuk kemi pasur ankesa të këtij lloji, por kjo nuk do të thotë që në të ardhmen nuk do të ketë të tilla, dhe këtë e presim si nga subjekte ankues fëmije, ashtu dhe nga prindër, përfaqësues ligjorë të tyre, apo nga persona të ngarkuar ligjërisht për kujdesin e tyre”.