"Miss Globe", Topi pret
42 bukuroshet në presidencë

TIRANE- Presidenti Bamir Topi rezervoi sot një pritje të përzemërt dyzet e dy pjesëmarrëseve në “Miss Globe International 2011” si dhe organizatorëve të këtij spektakli bukurie, i cili për të tetin vit radhazi zhvillohet në vendin tonë.

Kreu i shtetit i uroi mirëseardhjen në Shqipëri përfaqësueseve të bukurisë nga e gjithë bota. Gjithashtu vlerësoi organizatorët për aktivitetin mbarëkombëtar. „Për mua, jo vetëm si President i Shqipërisë, por edhe si qytetar i thjeshtë i saj, është krenari që për të tetën herë, ky kompeticion zhvillohet pikërisht në Shqipëri. Dhe kur kthehesh me gëzim dhe respekt në të njëjtin vend, tregon që gjërat në shtatë edicionet e tjera kanë shkuar shumë mirë. Kështu që unë dëshiroj të përgëzoj edhe organizatorët, të cilët çdo vit e më shumë po e rrisin cilësinë e tyre!”- Tha Topi.

Presidenti vlerësoi dhe promovinin e Shqipërisë turistike që i është bërë në kuadër të këtij aktiviteti. Nga ana e tij drejtuesi i kësaj veprimtarie në Shqipëri, Petro Bozo vlerësoi presidentin për pritjen e ngrohtë.