POP 5

Lajmet më të lexuara të 5 minutave të fundit

Arkiva

"Skënderbeu" një dokumentar
që zbërthen shumë pikëpyetje

I pari film dokumentar mbi Skënderbeun do të shfaqet sot me 17 janar, në orën 19:00 në kinemanë "Imperial" në Tiranë. Vjen nën regjinë e Vladimir Priftit me mbështetjen e Qendrës Kombëtare Kinematografike.
TIRANE- I pari film dokumentar mbi Skënderbeun do të shfaqet sot me 17 janar, në orën 19:00 në kinemanë "Imperial" në Tiranë. Vjen nën regjinë e Vladimir Priftit me mbështetjen e Qendrës Kombëtare Kinematografike. Ashtu siç ishte shprehur edhe më parë regjisori, ky dokumentar për Heroin Kombëtar shfaqet me rastin e 100-vjetorit të pavarësisë dhe në ditën e 544-vjetorit të vdekjes së Skënderbeut. Filmi dokumentar përfshin gjithë jetën dhe veprimtarinë e Skënderbeut, duke u mbështetur në vepra historike të studiuesve shqiptarë dhe të huaj e njëkohësisht për fakte polemizuese, regjisori Prifti ka ngritur një bashkëbisedim mes historianëve Frashëri, Pëllumb Xhufi, Luan Malltezi, por edhe komenteve që do të bëhen p.sh. për gjuhën, portretin e armët e Skënderbeut nga Moikom Zeqo apo Ferid Hudhri. Regjisori Prifti është shprehur se "filmi do t'i qëndrojë besnik faktit dhe dokumentit, duke ndriçuar më shumë ato momente që sjellin edhe një këndvështrim të ri për shikuesin e sotëm si p.sh, ku përcaktohet sot vendlindja e Kastriotëve? Si ishte rinia e Skënderbeut? Cilat ishin simbolet e shtetit (vula, stema, flamuri)? Me cilët njerëz e bëri ai kancelarinë, këshillin e luftës, pushtetin ekzekutiv? Si e organizoi ushtrinë e kavalerinë? Deri ku shkoi shtrirja e këtij shteti, qytetet që përfshinte, krahinat e portet?". Letërkëmbimi apo marrëveshjet e Skënderbeut me kancelaritë më të mëdha të kohës do të vijnë edhe vizualisht përmes pamjeve nga qytetet e Venedikut, Romës, Mbretërisë së Napolit, Raguzës, Ankarasë, Stambollit. Një analizë e rëndësishme vizuale do t'i bëhet edhe portretit autentik të Skënderbeut, gravurave, armëve, përkrenares, veshjes së tij, besimit fetar, gjuhëve që përdorte dhe veçanërisht gjuhën shqipe të shkruar.
(sg/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku