'Qytetarët nga Ballkani, përgjegjës për valën e dytë të COVID', gazeta gjermane nxjerr blof ministrin që u përplas me Ramën: Përrallë, shifrat nuk e tregojnë

Kryeministri Edi Rama u përfshi në një debat me ministrin gjerman të Shëndetësisë, Jens Spahn, pas deklaratave të këtij të fundit se valën e dytë të COVID në Gjermani e shkaktuar qytetarët që shkuan për pushime në Ballkan dhe Turqi. Por tashmë edhe gazeta gjermane "Welt", pas disa hulumtimeve të bëra, ka hedhur poshtë deklaratat e ministrit gjerman.

Sipas "Welt’’ kjo është një "përrallë zanash" për pushimet verore nga ministri gjerman, pasi shifrat tregojnë se lidhja nuk ekziston.

‘’Përqindja e infeksioneve të huaja gjatë verës ishte vërtet e lartë. Por në terma absolutë, numri i infeksioneve ishte jashtëzakonisht i ulët. Sipas Universitetit Johns Hopkins në Gjermani, kishte gjithsej rreth 50,000 infeksione të reja në korrik dhe gusht. Nga mesi i shtatorit, infeksionet e huaja nuk luanin më një rol të madh. Rritja eksponenciale e valës së dytë filloi më vonë, në fillim të tetorit. Supozimi i ministrit që Gjermania ra në valën e dytë për shkak të numrit të udhëtarëve që kthehen nuk mund të mbështetet’’, thuhet mes të tjerash në artikull.

LEXO EDHE:
VIDEOLAJM/ Tirana si pikënisja e tureve turistike

Në një reagim për "BILD", Rama reagoi ashpër ndaj ministrit gjerman, duke e cilësuar si skandal faktin që ai denonconte publikisht Ballkanin, ndërsa theksoi se nuk do të lejonte që Shqipëria këtë verë të cilësohet si zonë rreziku e ti ndalohen udhëtimet pasi nuk ka shifra që ta provojnë këtë.

/K.T./Shqiptarja.com

TAG:
• edi rama
• gjermani
• COVID-19
• Jens Spahn