'Qytetarët të paguajnë dritat', Pampuri- Ramës: Detyrim ligjor i qeverisë të ndihmojë të varfrit në gjendje të fatkeqësisë natyrore

Ish- deputetja e Partisë Demokratike, Orjola Pampuri i është përgjigjur ashpër thirrjes së kryeministrit Rama se qytetarët duhet të paguajnë dritat pavarësisht situatës ku ndodhemi. Përmes një postimi në rrjetet sociale, Pampuri shprehet se është detyrimi ligjor i qeverisë të ndihmojë më të varfrit dhe qytetarët me pamundësi ekonomike pas shpalljes së gjendjes së fatkeqësisë natyrore.

Edi Rama të mos shpërdorojë paratë me tendera korruptive dhe të panevojshëm, si këto të datës 19 Mars, por t’u vijë në ndihmë të pamundurve. E ka detyrim ligjor!”, shkruan Pampuri.

Postimi i plotë i Pampurit:

Edi Rama i vendos njerëzit në pamundësi ekonomike mes dy zgjidhjeve: të paguajnë energjinë elektrike ose të vdesin në të ftohtë dhe nga uria.

Pas shpalljes së gjendjes së fatkeqësisë natyrore, të gjithë qytetarët në pamundësi ekonomike janë të mbrojtur nga Kushtetuta dhe ligji!

Kushtetuta dhe ligji e thonë qartë: Qeveria e ka DETYRIM LIGJOR të ndihmojë më të varfërit me gjithçka ka në dorë!

Është e pafalshme kur paguan në 1 ditë 22 milionë euro për 4 kompani ndërtimi, dhe nga ana tjetër nuk siguron bukën e gojës, ujë dhe drita për ata që nuk kanë mundësi të punojnë për shkak të masave të jashtëzakonshme.

Edi Rama të mos shpërdorojë paratë me tendera korruptive dhe të panevojshëm, si këto të datës 19 Mars, por t’u vijë në ndihmë të pamundurve. E ka detyrim ligjor!

b.l./Shqiptarja.com
  • Sondazhi i ditës:

    COVID-19/ A keni arritur të bëni aplikimin për të marrë leje për dalje nga shtëpia?

Komento

Komente

  • Or tej: 25/03/2020 20:52

    Dolen nga gjirizi keto hienat

    Përgjigju
  • Toni Tirane: 25/03/2020 19:48

    Idiote, kjo nuk eshte fatkeqesi natyrore. Eshte virus i ardhur nga Kina dhe per keto deme boterore Kina duhet te paguaje shume. Fatkeqesi natyrore jane termeti, permbytjet, zjarret etj.

    Përgjigju