POP 5

Lajmet më të lexuara të 5 minutave të fundit

Sport

Rabiot prezantohet te Juventus: Bardhezinjtë një hap para Paris SG

Adien Rabiot në prezantimin e tij te Juventus ka folur me fjalë të mëdha për klubin Italian.

Rabiot prezantohet te Juventus: Bardhezinjtë një hap para Paris SG

Adrien Rabiot pas zyrtarizimit ka folur sot për herë të parë si futbollist i Juventusit. Francezi i cili sezonin e fundit ka luajtur me ekipin e dytë të Paris SG për shkak të kontraditave me klubin, fillimisht ka deklaruar se Buffon dhe Ronaldo kanë patur ndikim të madh për kalimin e tij te ‘zonja e vjetër’, ndërsa më pas ka shtuar:

“Juventus është një klub i madh, me shumë prestigj dhe ka një përvojë të madhe në Europë  edhe pse me disa komplikacione vitet e fundit. Si e shoh unë, Juvja është një hap mbi PSG-në.”

KËSHILLA NGA BUFON – "Kam folur shumë me Bufonin sezonin e kaluar ai më dha shumë këshilla. Më foli shumë për Juven. Ai ishte njeriu më i mirë që mund të flisja për këtë klub. Mendimi i tij më ka ndikuar shumë. Ai ka luajtur një rol deciziv në këtë transferim."

SERIA A – "Kam qenë në Paris për 7 vite, është hera e parë që luaj jashtë vendit tim, por dëshira dhe vendosmëria është e njëjtë. Asgjë nuk do ndryshojë."

SARRI – "Ende nuk e kam pasur rastin të flas me Sarrin, por njerëzit që kam takuar më kanë lënë shumë mbresa. Jam në dispozicionin e tij dhe klubit për të ardhmen e klubit."

POZICIONI NË FUSHË – "Pozicioni i preferuar është ai i mesfushorit të majtë, por mund të luaj edhe në mesfushë me dy. Përshtatem në ndihmë të klubit."

KAPITULLI PSG – "Ishte një periudhë e komplikuar. Tani është mbyllur dhe fillon një aventurë e re. Dua të lë çdo gjë pas. Doja ta mbyllja ndryshe me PSG, por nuk varej vetëm nga unë."

RONALDO – "Pata shansin të rritem duke luajtur me kampionë të mëdhenj. Më ndihmuan të rris nivelin e lojës. Ronaldo është një kampion i madh, dhe sigurisht që edhe ai pati një peshë në vendimin tim të zgjedh Juven. Atmosfera në dhomat e zhveshjeve është shumë pozitiv dhe aty ka shumë profesionistë, që ndihen rehat me njëri-tjetrin."

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Viti i Ri vjen me diell, por vishuni mirë! Parashikimi i motit për 31 Dhjetorin e ditët e para të Janarit

Viti i Ri vjen me diell, por vishuni mirë! Parashikimi i motit për 31 Dhjetorin e ditët e para të Janarit

27 Dhjetor, 14:56