POP 5

Lajmet më të lexuara të 5 minutave të fundit

Kronikë

Radhë dhe situatë kaotike prej 3 muajsh në Portin e Durrësit! ‘Mariner Adriatic’ s'ofron shërbim për konteinerët! Rrezik që kompanitë të përdorin portet fqinje

Në portin e Durrësit është krijuar një situatë kaotike pasi rreth 100 kamionë janë bllokuar e nuk ngarkojnë dot kontenierët me mallra të ndryshëm. Fajin e ka kompania Mariner Adriatic që duhet të ofrojë këtë shërbim për të cilin dhe paguhet, por ky operator s’ ka mjaftueshme mjetet risteker që ngarkojnë  kontenierët. Prej tre muajsh drejtuesit e mjeteve ankohen, ndërsa sipërmarrje mund të operojnë në portet fqinje nëse nuk zgjidhte kjo situate.

DURRËS-100 kamionë të tonazhit të madh kanë orë e orë të tëra që presin për t'u ngarkuar në portin detar të Durrësit. Kjo për shkak se kompania Mariner Adriatic(HILI) , që ka në zotërim terminalin e konteinerëve nuk është në gjendje që me shërbimet e saj të plotësojë nevojat e subjekteve sipas kontratave që kanë me të për përpunimin e konteinerëve në ngarkim apo shkarkim.

Shoferët e kamionëve kanë kohë që ankohen për radhët e gjata dhe orët e ditët që ju duhet të presin për t'u ngarkuar apo shkarkuar.

Një prej shoferëve sqaron se sot janë në radhë 100 kamionë nga Shqipëria,Kosova dhe Maqedonia të cilët në këtë vapë presin radhën që të kryejnë ngarkimin dhe shkarkimin e tyre. Një situatë e tillë ndodh sepse kompania nuk ka në gatishmëri mjetet e ngarkim shkarkimit që quhen Risteker. Ato janë vinça me gomë, të lëvizshëm enkas për konteinerët. Nga 5 që disponon kjo kompani punojnë 1 ose 2 prej tyre,ndërsa të tjerët nuk janë në gatishmëri.

Një situatë e tillë thonë shoferët ka të paktën 3 muaj që ndodh herë pas here.

Në 2 raste shoferët kanë protestuar pranë zyrave të kompanisë për këto vonesa. Edhe 2 ditë më parë ata ngritën zërin por situata ka mbetur po ajo. Duhet theksuar gjithashtu se edhe anijet, që vijnë nga portet fqinj, për një punë që duhej të mbaronte për 24 orë punë, detyrohen të presin me ditë të tëra prej 3 muajsh tanimë!

Një situatë e tillë rrezikon që subjektet tregtare shqiptare, maqedonase apo kosovare t'i drejtohen porteve të Greqisë apo Malit të Zi për të marrë shërbimet e ngarkim shkarkimit të konteinerëve me anë të të cilëve ata eksportojnë apo importojnë mallrat e tyre. E kështu tarifat e majme rrezikojnë të largohen nga porti i Durrësit e bashkë me portin humbasin edhe agjencitë detare e padyshim humbësi më i madh do të jetë dogana.

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 06/07/2021 21:43

    Shoferet kane te drejte por kncensioni duhej perfubduar dhe Autoriteti portual duhet te merrte sherbimin.Por gjithmone te korruptuarut dhe te degjenwruarit e politikes per rrushfet shesin dhe gruan.Rrace e poshter por sje ci ben SPAKut kur nk ju fut prangat

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

10 Janar, 20:43