Radogoshi i vjen Shqipërisë me poezi, rrëfen vargjet e luftës: Në ato rrethana s'ish vetëm art, sot Kosova e anashkaluar me Ballkanin e Hapur

“Unë pendohem, publikisht pendohem

Për krimet e kryera”

Janë vargje të librit “Liria ishte thjesht një ëndërr”, që poeti Kadrush Radogoshi e sjell në anglisht. Promovohet bashkë me botimin në shqip të “Këmishë prej zjarri” në Muzeun Historik.

Vargjet në anglisht janë të shkruara mbi Luftën e gjatë saj... kur për poetin në atë “Anatomi dhune”,  që e burgosi, siç shkruan, “të bëhej një koleksionist lulesh në metafora, ishte e ndaluar”.

“Në ato rrethana poezia nuk është vetëm art, sado që të jetë i formuar të jetë artisti poeti, sepse në atë kohë unë isha profesor. Por sado të jesh profesionist në rrethana të tilla robërie është e pamundur që poezia të mos ketë mision. Dhe poezia ime është poezi e misionit. Po e dy misioneve, edhe mision estetik, edhe atdhetar, politik, njerëzor”, rrëfen poeti Kadrush Radogoshi.

Si ish-kryetar i Lidhjes së Shkrimtarëve në Kosovë e autor i mbi 20 veprave, e njeh mirë situatën letrare në kombin tonë. I dhemb atmosfera jofavorizuese, në kontrast me politikat nxitëse në Kanada ku jeton.

“Rrethanat shoqërore dhe pozita e shkrimtarëve edhe poetëve është shumë e vështirë në shoqërinë shqiptare, sepse gjendja e rënduar ekonomike bëhet që të mos investohet në kulturë, sidomos në letërsi”, shton ai.

E shqetëson klima politike në rajon, veçmas krisjet që mund të pasojnë marrëdhëniet pas Ballkanit të Hapur.

“Sot kërkesa për Ballkan të Hapur, është një kundërvënie e iniciativës së Berlinit për një parapërgatitje për në Bashkimin Evropian. Dhe kjo kundërvënie motivin kryesor e ka për ta anashkaluar Kosovën dhe për të ikur Serbia ka njohja e pavarësisë së Kosovës”, thotë më tej.

Këto ditë poeti Radogoshi i vjen Shqipërisë me poezi, por thotë se ëndërron të krijohen më shumë ura lidhëse mes dy vendeve, qoftë edhe një muze për të kujtuar krimet e luftës në Kosovë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Berisha në konflikt me SHBA dhe BE! Analisti Tafani:  Basha duhet të dalë me logo të re

Berisha në konflikt me SHBA dhe BE! Analisti Tafani:  Basha duhet të dalë me logo të re