POP 5

Lajmet më të lexuara të 5 minutave të fundit

Shëndeti

Gjysma e popullsisë në jug të vendit e pa vaksinuar, drejtori Llapi: Të interesuar vetëm mosha e tretë, personat që kanë kaluar Covid-19 refuzojnë

Duket se fushata e vaksinimit nuk ka ecur si duhet në rajonin e jugut. Drejtori i Operatorit të Shërbimeve të Kujdesit Shëndetësor, Kujtim Llapi shprehet se në gjithë rajonin e jugut nga Lushnja deri në Sarandë janë vaksinuar vetëm 53 për qind e popullsisë të moshës 18 vjeç e lart

Duket se fushata e vaksinimit nuk ka ecur si duhet në rajonin e jugut. Drejtori i Operatorit të Shërbimeve të Kujdesit Shëndetësor, Kujtim Llapi shprehet se në gjithë rajonin e jugut nga Lushnja deri në Sarandë janë vaksinuar vetëm 53 për qind e popullsisë të moshës 18 vjeç e lart.

Llapi thekson se ndër të gjitha bashkitë e rajonit të jugut, fushata e vaksinimit ka ecur më mirë në rrethin e Vlorës ku numri i vaksinimeve ka shkuar në 67 për qind.

Më shumë interes për vaksinimin ka mosha e tretë 60+, ndërsa interes të ulët ka nga të rinjtë, sidomos ata që e kanë kaluar Covid-19.

Intervista e plotë me drejtorin e OSHKSH  Vlorë, Kujtim Llapi

Si është situata aktuale, numri i infektimeve?

Panorama e tanishme e rrethit të Vlorës është në një trend në rënie të rasteve të reja. Numri i testimeve është i njëjtë, por pozitiviteti është ulur, sot që flasim janë 251 raste aktivë me Covid-19.

A mund të preket Shqipëria nga vala e 4-t e infektimeve siç ka paralajmëruar OBSH-ja?

Sa i përket valës së 4 nuk mund të them sepse e përcakton OBSH, në bazë të shifrave që shohim në rang lokal dhe kombëtar numri është në rënie, si për infektimit apo dhe shtrimet në spital.

A ka filluar vaksinimi i fëmijëve dhe nëse po sa të vaksinuar janë deri tani të grupmoshës 16+?

Në rrethin e Vlorës ka filluar vaksinimi i fëmijëve në bazë të protokollit të ISHP-së, vetëm dje janë vaksinuar 31 fëmijë në gjithë rrethin e Vlorës, kryesisht ata që janë me sëmundje kronike.

Po për dozën e tretë të vaksinës a ka interes?

Për vaksinimit me dozën e tretë, mosha 60+ ka interes. Por të mos harrojmë se është dhe një pjesë 10-15 për qind e popullsisë të cilët janë persona që e kanë kaluar covid-19 dhe protokolli nuk të lejon të vaksinohen, sidomos ata që e kanë kaluar covid-19 kohët e fundit. Sipas protokollit, vaksina bëhet 6 muaj pasi personi e ka kaluar Covid-19.

Nëse do të flasim me shifra, në gjithë rajonin e jugut sa është numri i të vaksinuarve?

67 për qind e popullsisë (mosha 18+) janë vaksinuar në  Rrethin e Vlorës, ndërsa në gjithë rajonin e jugut, nga Lushnja e deri në Sarandë, kjo shifër është më e ulët. Vetëm 53 për qind e popullsisë është vaksinuar në rajonin e jugut. Këto janë shifra të INSTAT.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05