TIRANE - Kryeministri Edi Rama ka vizituar godinën e re të shkollës profesionale Teknologji Informacioni, Elektro-Teknikë “Gjergj Canco", ku aktulisht studiojnë ku 834 nxënës. Rama thotë se 300 nxënës nga profesionalet e ndërtimit, do të jenë protagonistë në Frontin e Punës për Rindërtimin.

"Falë politikave tona mbështetëse, arsimi profesional po fuqizohet çdo ditë e më shumë dhe 300 nxënës nga profesionalet e ndërtimit, do të jenë protagonistë në Frontin e Punës për Rindërtimin. Kemi nevojë për punonjës të kualifikuar. Patjetër që do të merrni edhe rrogë të plotë. Përgatituni se do ju marrin pjesë për instalimet në programin e rindërtimit dhe patjetër që merrni një rrogë të mirë. Bëni shkollë dhe punë bashkë. Dhe e shënoni që keni punuar në programin e rindërtimit', thotë Rama.

 

Ministrja Denaj deklaroi se për këtë qëllim po punohet me ritme të shpejta me zyrën e Agjencisë Kombëtare të Punësimit dhe Arsimit Profesional. “Ne po mbarojmë të gjithë ristrukturimin e Agjencisë dhe një zë të veçantë ka edhe ndërlidhja me Programin e Rindërtimit, si për shkollat profesionale, ashtu dhe për kurset e formimit profesional,” tha Denaj.