Pjesë e këtij ‘filmi’ janë kryeministri Rama, ish-kryeministri Berisha, kreu i PD Lulzim Basha, ish-ministri i Brendshëm Saimir Tahiri, por edhe personazhe të botës së krimit si Habilaj e Balili.
Pikërisht këta të fundit, sipas Balliut janë historia e vërtetë e krimit në pushtet. “Kjo është historia e vërtetë e krimit në pushtet. Qeveria e Ramës dhe bandave të narkotrafikut” shkruan deputeti i PD në statusin që e shoqëron me videon.
‘Filmi’ i deputetit të PD është përqendruar te porositë e Ramës për ministrat, por edhe komunikimin e tij me Habilajt dhe Balilajt, gjithmonë sipas Klevis Balliut.
PD dhe opozita në tërësi akuzojnë qeverinë Rama si të lidhur me krimin dhe drogën, ndërsa kjo nuk është herë e para që deputetët e djathtë ironizojnë qeverinë me në krye Ramën përmes animimeve të ndryshme.
d.b/shqiptarja.com