POP 5

Lajmet më të lexuara të 5 minutave të fundit

Arkiva

Rama: Borxhi do të ristrukturohet
Bujqësia dhe IT, sektorët me përparësi

Qendrimi ndaj borxhit publik dhe sistemit të taksave ka ndarë dje qendrimet e koalicioneve të majtë dhe të djathtë në një forum të organizuar nga Dhoma Amerikane e Tregtisë. Programet janë paraqitur nga Edi Rama dhe Florjon Mima.
Rama: Borxhi do të ristrukturohet<br />Bujqësia dhe IT, sektorët me përparësi
TIRANE - Kreu i Partisë Socialiste Edi Rama tha dje se programi qeverisës i forcës së tij politike parashikon një model të ri ekonomik me 3 shtylla kryesore: zhvillimin rural, industrinë dhe turizmin, që do të jenë sektorët udhëheqës të rritjes ekonomike në vitet e ardhshme.

Në një forum të organizuar nga Dhoma Amerikane e Tregtisë, ai shtoi se borxhi publik vlerësohet si i rrezikshëm në kushtet aktuale dhe duhet ristrukturuar, ndërkohë që premtoi rivendosjen e marrëdhënieve normale me Fondin Monetar Ndërkombëtar.

Duke iu referuar modelit të taksimit, kryesocialisti Rama tha se projekti i forcës së tij politike parashikon ndryshimin e tij përsa i përket tatimit mbi të ardhurat personale dhe dividentin, pa rënduar mbi koorporatat. Në të njejtin event, ministri i Ekonomisë Mima tha se PD synon të vijojë të ruhet i njëjti model taksimi, madje me objektivin që të ketë lehtësi të mëtejshme fiskale.

Një nga ofertat më të rëndësishme, por edhe sfidat kryesore që paraqitet për 4 vitet e ardhshme është punësimi. Dy koalicionet garuese erdhën dje me oferta të ngjashme, ku koalicioni i mazhorancës ka në projekt hapjen e 250 mijë vendeve të punës, ndërsa koalicioni opozitar hapjen e 300 mijë vendeve për 4 vite.

Të dy koalicionet besojnë se sektorët që do të mundësojnë më shumë vende të reja pune janë bujqësia dhe teknologjia e informacionit.

Duke iu referuar sfidave të tjera ekonomike, para të cilave ndodhet vendi, të dy palët u bashkuan në qëndrime rreth nevojës për bashkimin ekonomik me Kosovën, synimin për përfshirjen e vendit në Eurozonë, zgjidhjen e problemit të pronësisë apo realizimin e reformës së pensioneve.

Shkrimi u botua sot në gazetën Shqiptarja.com (print) 29.05.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

27 Nëntor, 17:40 nga Arlind Isa