POP 5

Lajmet më të lexuara të 5 minutave të fundit

Arkiva

Rama: Dëgjova Majkon hoqa
çorapet e kuqe dhe u martova

Në një ambient festiv në zonën e Liqenit Artificial mes këngëtarëve dhe elektoratit të shumtë në numër, PS festoi fitoren e skuadrës së Rilindjes në Tiranë. Pas fjalëve përshëndetëse të gjithë kandidatëve dhe deputetëve në Qarkun e Tiranës, festën e mbylli kreu i PS, ku ndau me të pranishmit hyrjen e tij në parti dhe batutat mes Majkos e Tahirit.
PS: Shifrat e Kukësit janë korrekte
Rama: Dëgjova Majkon hoqa<br />çorapet e kuqe dhe u martova
TIRANE - Festa e skuadrës së Rilindjes së PS në Qarkun e Tiranës, nuk kishte si të mos kalonte mes batutave e të qeshurave nga të majtët që kishin mbushur shkallët e amfiteatrit në Liqenin Artificial, deputetëve dhe liderit e kryeministrit të ardhshëm, Edi Rama. Pas një falenderimi të gjatë për fitoren e thellë të së majtës, Rama me sportivitetin që e katakterizon herë-herë, rrëfeu hyrjen në PS dhe “kushtet” që iu paraprinë nga Pandeli Majko.

Ishin pikërisht kushti i heqjes së çorapeve të kuqe si dhe martesa që i duhej një drejtuesi partije. “Kemi shkuar tek zyra e Pandit kur u zgjodh Sekretar i Përgjithshëm, por nuk ishim dakord në atë kohë se më doli kundër, megjithatë e zgjodhi kongresi Sekretar të Përgjithshëm, mua më zgjodhën kryetar. Dhe unë e Saimiri i shkojmë në zyrë, Pandi nuk më shikonte fare mua.

I thotë Saimirit ‘po ti i martuar je?’. Me një fjalë, ky është rast pa shpresë. Saimiri i thotë ‘Jo s’jam i martuar’ dhe Pandi i thotë mirë dil jashtë. Saimiri më pa mua, por unë s’i flisja dot se më duhej ta rregulloja me Pandin. Pandi kthehet nga unë më tha kam dy kushte ‘e para mos hajde me çorape të kuqe në parti dhe e dyta tha fillo mendoje se nuk e ke pa afat këtë të qenit beqar’. Dhe i realizova të dyja, megjithëse çorapet e kuqe i përdor kur nuk kemi mbledhje grupi”, ishte fjalimi përmbyllës i liderit së majtëve që u prit mes brohortijeve nga elektorati i majtë.

PREMTIMET

Tri gjëra që spikatën në fjalën e kreut të PS ishin pikërish: E para, që ai garantoi qeverisje për të gjithë qytetarët e vendit, pa dallim nëse votuan apo jo PS-në, së dyti, asnjë ndarje qytet - fshat apo veri-jug dhe së treti, ai afroi mundësi mundësi konkretet punësimi për të gjithë ata që janë të motivuar për të punuar në qeverinë e majtë.

Ftesa ishte e qartë: Na sillni motivacionin tuaj për të kontribuar për shtetin! Falenderimet nuk munguan për asnjë deputet, për asnjë njesi, por të veçanta ato qenë për njesitë bastione të PD-së që "si Shkodra, si Kavaja", votuan majtas: njësia 8 për shembull apo "qershia mbi tortë" - Lapraka.

Shkrimi u botua sot në gazetën Shqiptarja.com (print) 03.07.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça