“Nuk e kisha imagjinuar zoti president se ju do të kishit organizuar këtë darkë kaq të mrekullueshme në Pallatin e Elizesë për ditëlindjen time dhe madje do të ftonit edhe kancelaren që të merrte pjesë! Unë nuk di si t’ju falenderoj por ju siguroj se keni bërë gjënë e duhur, sa më shumë ne të festojmë së bashku aq më mirë ju europianët e BE do ta kuptoni vlerën shpirtërore të shqiptarëve të Ballkanit për BE”.
Pas fjalës së Ramës salla prej rreth 200 vetësh ka shpërthyer në të qeshura e duartrokitje dhe më pas presidenti Hollande ka porositur tortën e ditëlindjes së Edi Ramës. Ndërkohë që shuante qiririn e tortës kryeministri shqiptar është shprehur “Urimi im është që Ballkani të bëhet sa me parë pjesë e BE për t’i kthyer Europës buzëqeshjen!”
Ditëlindja e Ramës ka bërë që darka e punës të kthehet në një festë të papritur dhe gazetarët e pranishëm në dalje të kanë vënë re një gëzim të pazakontë në fytyrat e liderëve që largoheshin njëri pas tjetrit nga Pallati i Elizesë duke shtrënguar duart me presidentin e Francës.
Redaksia Online
Al.N/Shqiptarja.com