Rama: Gratë punëtore vuajnë
parazitizmin e burrave dembelë

Gratë, janë punëtore, ndërsa burrat dembelë e parazitarë. Ishte ky mendimi i kryeministrit  Edi Rama i shprehur në Konferencen Kombetare "Gratë Shqiptare në rrugën drejt politikës dhe vendimmarrjes".

“Realisht burrat dallohen për aftësinë që kanë për t’i thënë gjërat, sidomos kur  duhet të justifikohen, pse nuk i bëjnë gjërat. Kurse gratë dallohen për aftësinë që kanë për të bërë gjërat dhe për një diferencë të madhe me burrat kur është fjala për t’u justifikuar. Pra justifikohen shumë më pak dhe bëjnë shumë më shumë. Burrat janë përgjithësisht dembelë dhe parazitë, kurse gratë janë përgjithsëisht punëtore dhë të afta për të kompensuar parazitizmin e burrave të tyre. Mos më shikoni me habi. E ka thënë Çajupi shumë kohë më parë, atëherë kur të tjerët e dinin, por nuk guxonin ta thonin” u shpreh kreu i qeverisë, teksa shtoi se “S’jam feminist, por duhet domosdoshmëri për të kuptuar vlerën dhe për të kuptuar rëndësinë që ka rritja e barazisë gjinore".

Sipas Ramës, qytetërimi dhe zhvillimi ekonomik i një vendi lidhet drejpërsëdrejti me barazinë gjinore.

“Jam i bindur se siç në një familje ekuilibri përcaktohet nga gruaja dhe niveli i mirëqenies, ashtu edhe në shoqëri është e njëjta gjë. Prandaj shoqëritë që kanë më pak barazi gjinore, kanë më pak mirëqenie,” tha Rama.

Sa i përket pjesëmarrjes së gruas në vendimarrje, ai tha se pavarësisht përparimit që është bërë, duhet ende punë.

“Në këtë periudhë të fundit është bërë një përparim, po të kemi parasysh se vetëm disa vite më parë, situata e shifrave ishte shumë më shqetësuese se sa sot. Jam dakort që edhe sot mund të konstatojmë përparimin e bërë por nuk mund të themi që jemi aty ku duhet. Jo thjesht për t’u dhënë një pozicion të bararabrtë me burrat, por për të përfituar nga një shoqëri me barazi gjinore. Unë jam dëshmtar i vështirësië që ka pasur ky proces pasi në parim, të gjithë kanë qenë dakort që duhet të ketë më shumë vende për gratë në jetën publike, por kur vinte puna te zgjedhjet muri ishte shumë kokëfortë. Ne na u desh ta vendosim me ligj barazinë gjinore për këshillat bashkiakë, pasi ndryshe dështonte. Unë kam qenë dëshmitarë në shumë raste, të takimeve ku me shumë bindje nuk ishin  të pakët ato që thoshin nuk ka gra në zonën tonë. Të çonin në dyshimin se kush i kishte pjellë këto burra,” u shpreh kryeministri.

Sipas tij problemi më serioz mbetet ai i papunësisë, ku shifrat e grave janë më të larta se ato të burrave. Megjithatë për këtë, Rama tha se qeveria po i ndihmon gratë, nëpërmjet fondit të nxitjes së punësimit.

Në këtë takim, Rama u ndal edhe tek lejet e lindjes, teksa iu drejtua punonjësve tatimorë. “…Ka shumë raste kur burrat marrin leje lindje. E kam vënë re tani që ndërmorrëm luftën kundër informalitetit, ku shumë inspektorë tatimorë ikën me leje lindje, për  të mos u përballur me bizneset që duhet të kontrollonin, ato me të cilat kishin “flirtuar” më parë.

Ndërsa nga reforma e pensioneve, Rama tha se janë 20 mijë gra që kanë përfituar pension më të lartë seç përfitonin me ligjin e vjetër.

Redaksia Online
(u.s/shqiptarja.com)
 
 

  • Sondazhi i ditës:

    Nisma e mazhorancës për shkarkimin e presidentit, sipas jush a duhet shkarkuar Ilir Meta?



×

Lajmi i fundit

John

616-vjetori i lindjes së Skënderbeut, Ambasada e SHBA publikon foton e statujës së tij në Michigan: Frymëzim për të gjithë ne