POP 5

Lajmet më të lexuara të 5 minutave të fundit

Arkiva

Rama i përgjigjet mësueses "së
kërcënuar": Ligji Drejtoreshë ligji!

Nëpërmjet një shkrimi në blogun e tij kreu i PS-së Edi Rama i përgjigjet sot drejtoreshës së Shkollës “Ismail Qemali”, Vojsava Thanasi, e cila e akuzon se e ka kërcënuar në telefon nëpërmjet mesazheve.
Rama i përgjigjet mësueses "së<br /> kërcënuar": Ligji Drejtoreshë ligji!
TIRANE - Nëpërmjet një shkrimi në blogun e tij kreu i PS-së Edi Rama i përgjigjet sot drejtoreshës së Shkollës “Ismail Qemali”, Vojsava Thanasi, e cila e akuzon se e ka kërcënuar në telefon nëpërmjet mesazheve.

Sipas Ramës kjo nuk është e vërtetë madje nuk e ka kërcënuar por është përpjekur të ndihmojë “zonjën e pasjellshme duke i kujtuar detyrën e saj përpara kushtetutës e ligjit, mësuesve e nxënësve.”

“Herën e parë u përpoqa ta ndihmoj pasi mbylli telefonin duke ndërprerë brutalisht një bisedë deri aty aspak etike nga ana e saj, dhe herën e dytë pasi dëgjova se më kishte paditur tek kryetari i Partisë Demokratike”- shkruan Rama në blogun e tij me titull “Ligji Drejtoreshë Ligji!

Denoncimi për kërcënime u bë nga kryeministri Berisha dje nga Peshkopia ku përcolli mesazhin se mësuesit janë të lirë të propogandojnë bindjet e tyre, ndërsa një e përditshme publikoi mesazhet e mbërritura në telefonin e drejtoreshës Thanasi.

BLOGU I EDI RAMES
“Ligji Drejtoreshë Ligji!
Sot drejtoresha e “Ismail Qemalit” i kishte vënë gjoksin fushatës së Partisë Demokratike në ballin e “Panoramës”. I bënte jehonë kryeministrit që tha në miting se kryetari i opozitës paskej kërcënuar një drejtoreshë shkolle. Në fakt mjafton të lexosh dy mesazhet që i kam çuar drejtoreshës e që ajo i kishte bërë publike, për të kuptuar se jo vetëm nuk e kam kërcënuar po jam përpjekur ta ndihmoj dy herë zonjën e pasjellshme duke i kujtuar detyrën e saj përpara kushtetutës e ligjit, mësuesve e nxënësve. Herën e parë u përpoqa ta ndihmoj pasi mbylli telefonin duke ndërprerë brutalisht një bisedë deri aty aspak etike nga ana e saj, dhe herën e dytë pasi dëgjova se më kishte paditur tek kryetari i Partisë Demokratike. Zonja thotë se paditjen e ka bërë përmes Drejtorisë Arsimore dhe këtë e besoj, sepse në krye të asaj drejtorie në Tiranë është një shefe e flaktë e fushatave të PD-së që natyrshëm ka çuar fjalën tek Doktori. Po kjo ka pak rëndësi. Rëndësi ka diçka tjetër dhe thelbi i shqetësimit tim e i këtyre rreshtave po ashtu, është fakti se në shkolla po ushtrohet një presion i jashtëzakonshëm mbi mësuesit e mbi votuesit e parë. Kryesisht nga drejtorët edhe pse ka ndër ta që nuk e bëjnë ose edhe pse jo pak ndër ta bëjnë me sikur dhe nga ana tjetër vijnë tek ne e na thonë “gjëra”. Shtysa për t’i telefonuar drejtoreshës u bë rrëfimi i një prindi, nëna e një nxënëseje shumë të mirë, që m’u drejtua shumë e shqetësuar për faktin se e bija ishte joshur në shkollë me 200 mijë lekë të vjetra për t’u bërë pjesë e PD-se dhe votuar për PD-në. Natyrisht që drejtoresha e mohoi një fakt të tillë siç e mohon edhe publikisht, ndërkohë që të paktën në këtë pikë tregohet korrekte kur thotë se unë nuk e akuzova se lekët partia i ofronte përmes saj personalisht. Por çka drejtoresha nuk mohon dot megjithëse mundohet shumë në publik, është se ajo i përket asaj kategorie drejtorësh që sot janë më të dyja këmbët në shkelje të vijës së kuqe që ndan shkollën nga politika. E prandaj, duke u marrë me këtë rast unë dëshiroj ta përsëris publikisht apelin tim: Lërini rehat mësuesit e nxënësit në zgjedhjen e tyre politike! Mjaft më me trajtimin e tyre si robër për mitingjet e pushtetit! Mjaft më me presione mbi ta për të marrë pjesë me pahir në fushatën e partisë në pushtet! Mjaft më me trysni psikologjike për t’ua lexuar votën në tru dhe me kërcënime se po nuk votuan për PD-në do humbasin punën apo notën!

E të jemi shumë të qartë: Unë nuk kërcënoj askënd kur them se pas 23 qershorit do të vendosim përpara përgjegjësisë publike e ligjore çdo drejtor shkolle (e jo vetëm shkolle në fakt po këtu flasim për shkollën), që në shkelje të hapur të lirive e të drejtave kushtetuese si edhe të ligjit për arsimin, e vendos veten në rolin e kapterrit të partisë në pushtet. S’është kërcënim, është zotim i yni që përbën edhe pikënisjen e çlirimit përfundimtar të shkollës shqiptare nga kjo e keqe e madhe  e politizimit brutal, që s’ka asgjë të përbashkët me sistemin europian të edukimit në Shqipërinë e rilindur. Pas 23 qershorit nuk do të ketë më drejtorë të partisë në shkollë, po vetëm drejtorë shkolle që do përzgjidhen në bashkëpunim me komunitetin e prindërve. Nuk do ketë më mësues të trembur nga humbja e vendit të punës po nuk u paraqitën në kuadratin përkatës të mitingut të partisë në pushtet kundër opozitës, po vetëm edukatorë të përkushtuar ndaj gjeneratës së re dhe të lartësuar në autoritetin e tyre moral nga respekti absolut që do të tregojë qeveria për lirinë e të drejtat e tyre. Nuk do të ketë më as opozitë të mallkuar nëpër oborret e shkollave, nëpër klasa e nëpër komunikimet me prindërit, po vetëm respekt të barabartë për qeverinë e për opozitën në hapësirën demokratike të shkollës.

Kjo është rruga e Rilindjes që duam për shkollën dhe nga këtu do ta fillojmë menjëherë pas 23 qershorit.

Redaksia online
(sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

27 Nëntor, 17:40 nga Arlind Isa