Rama i tregon fundin Bashës:Do të
të rrahin këta të PD,të nxjerrin në...

Kryeministri Edi Rama ka vënë në lojë kreun e PD, Lulzim Basha, lidhur me gabimin e tij që bëri jo pak bujë se 7×7=42. Rama iu është përgjigjur akuzave të Bashës nga foltorja e Kuvendit, duke i thënë se Jeruzalemin e ngatërroi me karotën dhe Palestinën  me prasin.

Duke iu drejtuar me shprehjen ‘miku im’, Rama i tha Bashës se në fund do ta rrahin ata të PD, të tijët, sepse sipas tij, atyre do iu ngordhë gomari dhe do t’i bien samarit.

“Duan vetëm një vend ku të fshihen, vetëm t’i ikin ëndrrës së keqe që shohin me sy hapur dhe i lë pa gjumë. Prandaj nisen për diku dhe kthehen për diku tjetër. Sot erdhën këtu, ishin nisur për Jeruzalem, befas ndalojnë për Divjakë. Nga Jeruzalemi te karota, nga Palestina te prasi.

Hajde guri se po na rrahin. Një gjë po ta them miku im, Lulzim. Unë e di si do shkojë kjo punë, në fund këta do të të rrahin ty, se do iu ngordhë gomari e do iu bien samari. E pastaj, 7 herë 7 bëjnë 42. Në fund këta do të të nxjerrin në rrugë të madhe, se nuk ka stacion tjetër. Stacioni është drejtësia e re, kush jeni e kush jemi ne”, tha Rama. 

d.c./shqiptarja.com