Rama inspekton përfundimin e rrugës Salari-Nivicë: Duhet promovuar turizmi që të shijojmë pamje të jashtëzakonshme

Pas inspektimit të rrugës që lidh Tepelenën me Vlorën, kryeministri Edi Rama ka bërë një ndalesë në aksin rrugor Salari-Nivicë, në të cilin kanë përfunduar të gjitha punimet. Gjatë inspektimit me kreun e Bashkisë Tepelenë, Tërmet Peçin, kryeministri u shpreh se tashmë me këtë rrugë duhet promovuar turizimi pasi këto pamje të mrekullueshme do të mahnisin të gjithë udhëtarët. Madje, ata do të kenë edhe një arsye më shumë për t'u kthyer përsëri sepse aksi Salari-Nivicë së bashku me akset Bënçë-Lekdush, Gusmar-Kuç si dhe me Lotin 3 të rrugës së Lumit të Vlorës do të përfundojnë pranverën e ardhme dhe do të lidhin perlat e Shqipërisë që akoma nuk janë zbuluar.

"Tani duhet promovuar turizmi se kush vjen e sheh mahnitet dhe vjen prapë. Duhet promovuar që njerëzit të vijnë ta përdorin këtë rrugë dhe të vijnë të shijojnë një gjë të jashtëzakonshme", tha Rama.

Ndërsa, kreybashkiaku Tërmet Peçi u shpreh se çdo fundjavë kjo zonë vizitohet nga 500 deri në 600 turistë të cilët vijnë dhe shijojnë këto pamje mbreslënëse.


Lajmi kryesor:

Aksi që lidh Tepelenën me Vlorën hapet në shtator, Rama iu paraprin kritikëve: Rruga e ngushtë? Kështu janë në të gjithë Europën


SI.E./Shqiptarja.com
  • Sondazhi i ditës:

    Nisja e vitit të ri shkollor të hënën, a jeni dakord me mësimin me turne dhe orët e shkurtuara për nxënësit?



×

Lajmi i fundit

John

Ndodh e paparshikueshmja, Joshua humb titujt kampion në peshat e rënda! E grushton boksieri që merrej me futboll