POP 5

Lajmet më të lexuara të 5 minutave të fundit

Politikë

Rama-Jahjaga: Bashkëqeverisje
strategjike mes dy qeverive

Kryeministri Edi Rama gjatë vizitës së tij në Kosovë ka takuar sot edhe Presidenten e Kosovës, Atifete Jahjaga.
Rama-Jahjaga: Bashkëqeverisje<br />strategjike mes dy qeverive
PRISHTINË - Kryeministri Edi Rama ka takuar sot Presidenten e Kosovës, Atifete Jahjaga.

Sië bën të ditur faqja zyrtare e Presidencës, Jahjaga duke e përgëzuar Ramën për zgjedhjet e lira dhe demokratike parlamentare, theksoi se është detyrë e liderëve të vendit të ofrojnë platforma politike dhe programe të zhvillimit, që synojnë përparimin e vendit, të cilat gjejnë përkrahjen e popullit ndaj vizionit dhe zbatimit të tyre.

Ajo tha se Kosova dhe Shqipëria kanë bërë progres të konsiderueshëm dhe kanë të gjitha mundësitë për të vënë në pah vlerat më të mira, duke pasur mbështetjen e pakursyer të SHBA-ve dhe BE-së.

Shprehu gjithashtu rëndësinë e projekteve të përbashkëta në shfrytëzimin e resurseve natyrore të të dyja vendeve dhe në plan rajonal, duke theksuar se “zotërojmë një potencial të rëndësishëm, rininë, nevojën e jetësimit të ëndrrave të tyre dhe rëndësinë e përfshirjes së tyre konkrete në zhvillimin e dy vendeve tona”.

Jahjaga vlerësoi rëndësinë e bashkëpunimit në rrugën drejt Bashkimit Evropian dhe tha se Kosova mund të mësojë nga reformat që Shqipëria tashmë ka ndërmarrë në përmbushjen e kritereve të nevojshme për anëtarësim. Ajo vlerësoi angazhimin e z. Rama për ndërtimin e urave dhe bashkëpunimit si kontribut në të mirë të ardhmes tonë dhe të paqes dhe stabilitetit ne rajon.

Rama vlerësoi rolin e Presidentes Jahjaga dhe të gjithë udhëheqjes në Kosovë në procesin e normalizimit të marrëdhënieve ndërmjet Kosovës dhe Serbisë, duke theksuar se ky proces ka hapur një epokë të re të bashkëpunimit rajonal. Ai shprehu përkushtimin e qeverisë së tij ndaj projekteve të përbashkëta dhe krijimin e një platforme, siç tha, të bashkëqeverisjes strategjike ndërmjet dy qeverive, si dhe duke synuar përfshirjen e vendeve të rajonit dhe të mbështetjes së tyre nga financimet ndërkombëtare.

Ai theksoi rëndësinë e krijimit të projekteve afatgjatë dhe shprehu përkushtimin e qeverisë së tij në shkëmbimet në mes dy vendeve, që do të jenë në funksion të gjeneratave të ardhshme, sidomos në fushën e arsimit, kulturës dhe sportit.
 
Redaksia Online
(mag/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Vrasja e Klaudio Prendit, ngjarja i kalon në kompetencë SPAK-ut! Autorët i përkasin një grupi të strukturuar kriminal

Vrasja e Klaudio Prendit, ngjarja i kalon në kompetencë SPAK-ut! Autorët i përkasin një grupi të strukturuar kriminal

28 Nëntor, 11:50