POP 5

Lajmet më të lexuara të 5 minutave të fundit

Politikë

Rama: Jo nen 25 me përjashtime
 edhe ndërkombëtarët gabojnë

Kreu i qeverisë thekson se s'do të ketë nen 25 me përjashtime në hetimin e korrupsionit, ndërsa shton se ajo që shkruhet në draftin e ekspertëve të EURALIUS e OPDAT, është prova se edhe ndërkombëtarët gabojnë.  
Rama: Jo nen 25 me përjashtime<br /> edhe ndërkombëtarët gabojnë
Kryeministri Edi Rama ka reaguar në rrjetin social Facebook lidhur me nenin 25 të projektit kushtetues të reformës në drejtësi, i cili amniston ish zyrtarët e para 2013-ës.
 
Kreu i qeverisë thekson se s'do të ketë nen 25 me përjashtime, ndërsa shton se ajo që shkruhet në draftin e ekspertëve të EURALIUS e OPDAT, është prova se edhe ndërkombëtarët gabojnë.  
 
"S'ka nen 25 me përjashtime mos u shqetësoni për këtë! Është vetëm prova që edhe miqtë e partnerët tanë janë të gabueshëm. Do bëhet më e mira, durim", shkruan Rama në Facebook. 

Neni 25 i projektit kushtetues të reformës në drejtësi, i hartuar nga ekspertët e EURALIUS e OPDAT, parashikon ngritjen e gjykatave speciale për veprat penale të konsumuara nga funksionarët e lartë.

Gjykatat speciale mund të dënojnë kryeministrin, ish-kryeministrin, presidentin dhe ish-presidentin, por jo ministrat të cilët kanë qenë në detyre deri në zgjedhjet e 2013.

Konkretisht, neni 25 parashikon që gjykatat speciale do të hetojnë Presidentin në detyrë dhe ish Presidentët e Republikës, Kryetarin në detyrë dhe ish Kryetarët e Kuvendit, Kryeministrin në detyrë dhe ish Kryeministrat, anëtarët e Këshillit të Ministrave në detyrë dhe anëtarët e Këshillit të Ministrave gjatë tre viteve të fundit. Është pikërisht togfjalëshi “gjatë tre viteve të fundit”, që përjashton ish-ministrat e Sali Berishës, që të jenë objekt i prokurorisë së posaçme dhe gjykatave speciale.

Redaksia Online
Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Meta nga burgu: Arsimi pa fonde shtesë, papërgjegjshmëri

Meta nga burgu: Arsimi pa fonde shtesë, papërgjegjshmëri

26 Dhjetor, 20:07