POP 5

Lajmet më të lexuara të 5 minutave të fundit

Arkiva

Rama: Krimi bën ligjin
PS e ka gati zgjidhjen

Partia Socialiste organizoi tryezën për Rendin dhe Sigurinë Publike, nga ku kreu opozitës Edi Rama, u shpreh se shteti e ka humbur betejën me krimin. Ai ka garantuar se vetëm opozita pasi të vijë në pushtet do vendosë rendin dhe qetësinë në Shqipëri.
Rama: Krimi bën ligjin<br />PS e ka gati zgjidhjen
Në tryezën e organizuar nga opozita për kriminalitetin në vend, kryetari i opozitës, Edi Rama akuzoi qeverinë, se jo vetëm nuk është e aftë të luftojë krimin por është vetë një nxitëse e tij. Rama tha se qeveria bashkëpunon me personat e inkriminuar për të mbajtur në këmbë pushtetin.

"Qeveria me vendimmarrjen e vet të errët me sulmet barbare ndaj prokurorisë që nuk kanë rreshtur 6 vjet më radhë dhe me gradimin e pinjollëve të krimit në postet e policisë nuk ka bërë gjë tjetër veçse e ka inkurajuar krimin. Ashtu siç nuk ka asnjë dyshim, se kur padrejtësia me qëllim përfitimi bëhet shtysë në vendimet dhe veprimet e qeverisë, çdo i ri i tërhequr prej krimit e ka një shtysë të fortë më shumë, për ta sfiduar drejtësinë që mishëron Kushtetua, ligji e morali shoqëror", tha Rama.

Duke u ndalur te grafiku me shifrat konkrete të kriminalitetit, Rama tha se kurba është e qartë, ka një rritje alarmante të tij. Sipas kreut socialist, krimi po e mbyt Shqipërinë dita ditës, duke e lidhur rritjen e pasigurisë në vend edhe me rritjen e papunësisë.

"Në një vend me 1 milion të papunë, ku policia e shtetit trajtohet si zyrë për të punësuar shërbëtorë të partive të qeverisë, kushurinj apo miq krahinorë dhe ende më keq, njerëz më precedentë penale për fushata elektorale, nuk ka se si krimi të mos e vërë poshtë shtetin", tha Rama.

Kryetari i grupit të punës për rendin dhe sigurinë, deputeti Gjoni tha se po nxitet një polarizim i vendit, në ndarjen jug veri apo një nxitje për ndarje fetare.

 "Janë thelluar ndjeshëm ndarjet veri jug. Po punohet për ngritjen e mureve ndarëse mes tre besimeve kryesore fetare. Një rrezik tjetër është kërcënimi real ndaj integritetit të kufijve të Shqipërisë. Kjo qeveri e ka lanë vendin në 100 vjetorin e krijimit të shtetit, pa kufij zyrtarë", tha Gjoni.

Pas shpjegimit të numrit tepër të lartë të papunësisë në 1 milionë vetë në vend, Beqaj e krahasoi situatën e rendit vetëm me vitin '97. Tashmë, nënvizoi Sekretari Beqaj, siguria publike po rrëshket në drejtim të paditur.

"Vjedhja e bankave nuk është më lajm i habitshëm. Tani ndodh çdo muaj. As shpërthimet me telekomandë të makinave nuk habisin më. As vrasjet profesioniste nuk habisin më. Por halli ynë është se siguria në vend po rreshket në drejtim të paditur", tha Beqaj.

Socialistët janë angazhuar të shkruajnë në programin e ri politik që po diskutojnë, strategjinë e plotë për uljen e kriminalitetit dhe rritjen e sigurisë publike, edhe përmes politikave sociale.

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

NATO dhe Ukraina takohen lidhur me raketën e re ruse

NATO dhe Ukraina takohen lidhur me raketën e re ruse

26 Nëntor, 08:23