POP 5

Lajmet më të lexuara të 5 minutave të fundit

Rama kritikoi SPAK, ironia e Bylykbashit: Do fitonit ndeshjen me korrupsionin nëse do ishit në Asamblenë e PS! Muçollari: Kryeministri përdor gjuhën si bosët e Cosa Nostra

Deputeti demokrat Oerd Bylykbashi dhe anëtari i Këshillit Kombëtar të PD, Grigels Muçollari kanë reaguar ndaj kryeministrit Edi Rama, i cili iu drejtua SPAK me tone të ashpra duke thënë se merret me kampionin e anti-korrupsionit (Ardian Dvorani), por nuk heton Sali Berishën 'Non Grata'.

Rama kritikoi SPAK, ironia e Bylykbashit: Do fitonit ndeshjen me korrupsionin nëse do ishit në Asamblenë e PS! Muçollari: Kryeministri përdor gjuhën si bosët e Cosa Nostra

Oerd Bylykbashi dhe Grigels Muçollari

1652010596_pjimage.jpg

Deputeti demokrat Oerd Bylykbashi dhe anëtari i Këshillit Kombëtar të PD, Grigels Muçollari kanë reaguar ndaj kryeministrit Edi Rama, i cili iu drejtua SPAK me tone të ashpra duke thënë se merret me kampionin e anti-korrupsionit (Ardian Dvorani), por nuk heton Sali Berishën 'Non Grata'. Oerd Bylykbashi ka reaguar me ironi duke thënë se nëse SPAK do të shkonte tek Asambleja e PS, do të fitonte ndeshjen me korrupsionin dhe do plotësonte planin e punës për 3 breza.

“Mjaftonte që SPAK të shkonte dje me një sasi prangash tek Asambleja e PS e do të kishte plotësuar planin e punës për tre breza. Do ta fitonte ndeshjen me korrupsionin në kohë shtesë me ‘golden goal’”, shkroi Bylykbashi.

Ndërsa Grigels Muçollari pretendon se Rama përdor të njëjtën gjuhë si bosët e organizatës mafioze italiane ndaj gykatës. Në reagimin e tij në Facebook duket se e krahason Ramën me “Papën” që i hakërrehej gjyqtarit për mungesën e drejtësisë në vend.

“Papa" i COSA NOSTRA-s. Gjuha e Ramës ndaj SPAK rastis të jetë përdorur edhe në Maxiprocesso, kur bosët e organizatës mafioze Cosa Nostra akuzonin gjykatën për prishje imazhi, që me shumë "mund e djersë" e kishin ndërtuar ndër vite. Madje njëri prej tyre që njihej me nofkën "Papa", për të treguar se ishte ai primati i të tijëve, i hakërrehej gjyqtarit në sallën e gjyqit për mungesën e drejtësisë në vend. Në këto daljet e fundit, Rama duket sikur ka kaluar atake paniku. Të tregojnë më kujdes shokët e kurimit të imazhit, se po u ikën primati prej duarsh”, shkroi Muçollari.

Në Asamblenë e Përgjithshme të PS, ku duhet të kishte një fjalim që të kishte në thelb të saj punët e brendshme të partisë, kryeministri Edi Rama ashpërsoi tonet kundrejt SPAK.


Lajmi kryesor:

Kritikat e Ramës ndaj SPAK, reagon Berisha: Tmerrohet prej meje! Porta e Prokurorisë së Posaçme i duket si e ferrit, kalon ditën dhe natën në botën e përtejme
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dyndje për festat! 'Bien' linjat ajrore amerikane, bllokohen mijëra fluturime

Dyndje për festat! 'Bien' linjat ajrore amerikane, bllokohen mijëra fluturime

25 Dhjetor, 15:55