TIRANE- Në kulmin e debatit për një krisje mes PS-së dhe LSI-së, krerët e dy partive nuk dhanë asnjë sinjal praktik ndaj qytetarëve për të vërtetuar të kundërtën.

Teksa opinioni politik u bombardua me zëra se Rama dhe Meta po kalojnë një kohë  të vështirë në marrëdhëniet mes tyre, sytë u kthyen drejt jugut të vendit, ku të dy bashkëdrejtuesit e koalicionit, po pushonin pak kilometra larg njëri-tjetrit. Do të takoheshin apo jo Edi Rama dhe Ilir Meta, kur njëri pushonte në Dhërmi e tjetri në Jalë? Të paktën zyrtarisht nuk pati një takim të tillë.