POP 5

Lajmet më të lexuara të 5 minutave të fundit

Politikë

Rama: Në 1 janar merr fund
rrënimi i kujt fitonte më pak

Kryeministri Edi Rama ka zhvilluar sot takime me biznesin e vogël në "Don Bosko" në Tiranë. Rama ka premtuar se zotimi për heqjen e taksës së biznesit të vogël do jetë realitet i Buxhetit 2014.
Rama: Në 1 janar merr fund<br />rrënimi i kujt fitonte më pak
TIRANË - Kryeministri Edi Rama komenton në Facebook mbi debatet e këtyre ditëve mbi taksat. Këto komente Rama i ka bërë pas takimieve që ka pasur sot me biznesin e vogël në lagjen e njohur si "Don Bosko" në Tiranë.

Rama ka premtuar se zotimi për heqjen e taksës së biznesit të vogël do jetë realitet i Buxhetit 2014. Realitet, sipas tij, do jetë edhe zotimi për uljen e tatim-fitimit mbi biznesin e vogël.
 
"Në 1 janar bie sistemi i taksës së sheshtë, që rrënonte ata që fitonin më pak dhe bashkë me të bie edhe sistemi abuziv i taksimit të dyfishtë për ata që jetojnë me një biznes të vogël. Këto masa i rijapin frymë ekonomisë familjare dhe nxisin vetëpunësimin. Përgjysmohet barra administrative për biznesin e vogël, sepse s'ka më as taksidarë dhe as fatura aforfe të pushtetit vendor", shton Rama.
 
"Një faturë e vetme dhe një llogari e qartë me shtetin: Paguhet vetëm 7.5% e fitimit nga 10%, që paguhej deri sot! Ky është vetëm fillimi i mbarë i një politike të re ekonomike në rrugën e rilindjes së ekonomisë", përfundon komentin në Facebook i kryeministrit.

Sot paradite, teksa u ndal në një biznes të vogël me një xhiro vjetore prej 1 milion e 458 mijë lekësh në "Don Bosko", pas një përllogaritjeje të atypëratyshme që Kryeministri bëri me drejtuesen e këtij biznesi, e vetëpunësuar në këtë aktivitet, sipas ndryshimeve në paketën fiskale 2014, rezultoi se në fund të vitit, ajo do të kursente rreth 350 mijë lekë. Kryeministri Rama garantoi se përfitimi nga ulja e barrës fiskale  do të jetë e ndjeshëm për të gjithë biznesin e vogël në mbarë vendin.

“Taksën e biznesit të vogël ju e paguanit 595 mijë lekë. E gjitha aforfe të pushteti vendor. Përveç pushtetit vendor që ua merrte aforfe, arbitrare komplet ju paguanit edhe tatim fitimin 10%. Tani, taksa e biznesit të vogël nga 595 mijë lekë bëhet zero. Ju do paguani vetëm një herë dhe do paguani tatim fitimin jo 10%, sa ç’ishte, por 7.5%. Dhe praktikisht, në fund fare ju kurseni 345 mijë lekë,” – theksoi Kryeministri.

rama
 
Redaksia Online
(mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04