Rama në Austri: Në qendër
të bisedës, funksionimi demokracisë

Kreu i PS, Edi Rama, gjendet në një vizitë në parlamentin austriak, ku ka takuar deputetët socialistë, të cilëve u ka ilustruar programin e PS. Rama falënderon nga rrjeti social Twitter deputetët austriak për interesin e treguar për programin e PS.

“Takim i ngrohtë dhe interes e gatishmëri e posacme nga miqtë austriake për të mbështetur programin tonë për një Rilindje Shqiptare.

Funksionimi i demokracisë, taksa progresive, lufta me papunësinë e korrupsionin dhe reforma në arsim e shëndetesi në qëndër të bisedës” shkruan Rama në Twitter.

Në vizitën e tij Rama ka takuar edhe Kancelarin Vranitzky.

“Një orë mbresëlënëse me kancelarin Vranitzky për të shkuaren e të ardhmen e Shqipërisë dhe rajonit tonë. Shumë inkurajues për programin e PS!” shkruan Rama në Twitter.

Ndërkohë që për nesër Rama lajmëron nga Twitter se “në House of the European Union diskutim për Shqipërinë, rajonin dhe perspektiven toneë europiane. Diskutohet dhe libri Kurban”. ah/shqiptarja.com/