Rama nga Korça: Të rinjtë e vetëpunësuar në tregun online nuk e thonë sa fitojnë! Kanë frikë nga 'Tatimet'! Po bëjmë gati ligjin për nomadët digjitalë (VIDEO)

Në takim me të rinjtë e Korçës që janë të vetëpunësuar në tregun online, kreu i qeverisë Edi Rama është shprehur se ndodh shpesh herë që të mos deklarohen shumat e fituara për shkak të frikës nga Drejtoria e Tatimeve. Për këtë arsye, kryeministri u shpreh se qeveria po punon për përpilimin e një projektligji që do të rregullonte pjesën legjislative për ata të cilët i quajti “nomadë digjitalë”.

Ndër të tjera u shpreh se teknologjia po i krijon të rinjve mundësi punësimi pa lëvizur nga Shqipëria.

“Fitojnë aq sa kanë frikë se i kap drejtoria e Tatimeve të Korçës, nuk kemi ende një legjislacion të rregulluar për ata, po bëjmë ligjin për nomadët digjitalë. Teknologjia të jep mundësinë që pa lëvizur nga vendi, mjafton të kesh një lidhje internet dhe një kompjuter dhe të punosh në gjithë botën. Them për ju që i kapni shpejt, sepse unë me Nikon jemi të djegur në këtë pjesë, nuk ka njeri që na i fut kodimin”, tha Rama.

LEXO EDHE:
PD i përgjigjet sulmeve të Metës, risjellë akuzat e tij për Berishën: E kam dhënë njëherë dorëheqjen për Shkëlzenin

Lajmi kryesor:

Rama nga Korça: Berisha 'non grata' s'ka si të mos ketë lidhje me financimin rus të PD! Shpif dhe nxit njerëzit që të shkatërrojnë çdo gjë

A.M./Shqiptarja.com

TAG:
• edi rama
• Korce