POP 5

Lajmet më të lexuara të 5 minutave të fundit

Politikë

Rama: Olldashin e çmoja për
hazërxhevapin prej mistreci brilant

Kryeministri Edi Rama ka shkruar edhe në Facebook mbi humbjen e deputetit të PD, Sokol Olldashi, tre orë pas homazheve që ai bëri tek trupi i të ndjerit.
Rama: Olldashin e çmoja për<br />hazërxhevapin prej mistreci brilant
TIRANË - Kryeministri Edi Rama ka shkruar edhe në Facebook mbi humbjen e deputetit të PD, Sokol Olldashi, tre orë pas homazheve që ai bëri tek trupi i të ndjerit pas kthimit të tij nga një vizitë në Londër. 

Komenti me titull: "U preftë në paqe", Rama ka nxjerrë në pah gjithë cilësitë që i admironte veçanërisht Olldashit, dy herë drejtpërdrejt kundërshtar politik, të paartikuluara më parë prej Ramës. "Në distancë i çmoja shumë qysh në krye të herës hazërxhevapin prej mistreci brilant. Akull dhe shpuzë. Ndër të paktat debate televizive që ndiqja me dëshirë qenë ato kur në anën tjetër përballë të mive, ishte Sokol Olldashi", ka treguar Rama, duke i thënë se ka veç këto pak fjalë të ndjera e duke i dhënë më tej lamtumirën.

KOMENTI I PLOTË I RAMËS: U PREHTE NE PAQE
S’kam pasur rastin ta takoj asnjëherë dhe pse dy herë e kam pasur përballë, drejtëpërdrejtë si kundërshtar. Një herë si hetues parlamentar dhe një herë si kandidat për Tiranën. Në distancë i çmoja shumë qysh në krye të herës hazërxhevapin prej mistreci brilant. Akull dhe shpuzë. Ndër të paktat debate televizive që ndiqja me dëshirë qenë ato kur në anën tjetër përballë të mive, ishte Sokol Olldashi. Në një ditë s’i kjo është zakon të thuhen me tepri fjalë të mira, por unë kam veç këto pak fjalë të ndjera në respekt të kujtimit të tij siç e kam. Ashtu siç kam brenda meje qysh mbrëmë, një keqardhje therëse për ikjen e tij kaq tragjikisht nga jeta dhe nga skena e luftës politike - ku mesa duket la një boshllëk të rëndësishëm për aq shumë njerëz sa u vunë sot në radhë, pa dallim, për t’i thënë me dhimbje sinqerisht lamtumirë.

Redaksia Online
(mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04