Rama- opozitës: Ju që sollët rezolutën, pse nuk keni përgatitur një draft për procesin gjyqësor ndaj Thaçit! Kuvendi nuk është bahçja e 7 partive tuaja

 

Kryeministri Edi Rama ka ironizuar rezolutën që opozita ka propozuar për të dënuar sulmin ndaj Kosovës. Rama tha se përse nuk kanë sjellë asnjëherë rezoluta për ti bërë thirrje botës demokratike të hulumtojë burimin nga rrjedh procesi gjyqësor për Thaçin dhe tre komandantët e tjerë.

"Ata që e sollën draft rezolutën, që sjellin rregullisht drafte të tilla deri për ta çuar në këmbë nga varri armatën e viktimave të komunizmit. A na e thonë dot pse nuk e kanë sjell deri më sot ndonjë draft rezolutë për ti bërë thirrje botës demokratike të hulumtojë burimin nga rrjedh procesi gjyqësor për Thaçin dhe tre komandantët e tjerë dhe të monitorojë se si po respektohet atë proces parimi shenjtë demokratik i prezumimit të pafajësisë. Unë di ta them pse nuk e ka sjellë dhe s’ka për ta sjellë, ja pse. Ky është kuvendi i një shteti, nuk është bahçja e 7 partive tuaja, i një shteti që ka mjetet në dispozicion për ta ngritur ndërkombëtarisht këtë shqetësim dhe do ta bëjë kurdoherë përballë kujtdo që duhet ta dëgjojë të vërtetën rrëqethëse mbi rrjedhën e këtij procesi", tha Rama. 

LEXO EDHE:
Debati për mikrokreditë, a është Gazmend Bardhi avokati i interesit të përmbaruesve?

Lajmi kryesor:

Kuvendi rezolutë të përbashkët për Kosovën, Rama akuzon Kurtin: Serbia mori dhurata politike nga gabimet e Prishtinës

SI.E./KT/Shqiptarja.com

TAG:
• rezoluta per kosoven
• gazment bardhi
• vritet polici ne kosove
• tensione ne veri te kosoves