Rama përkujton patriotin e madh: 
S'pranoi kompromise antikombëtare

Kryeministri Edi Rama, përmes një statusi në rrjetin social Facebook, ka përkujtuar një nga patriotët më të mëdhenj të shekullit 20-të Babë Dudë Karbunara.

Rama shkruan se figura të tilla historike duhen përkujtuar dhe nderuar gjithmonë për faktin se në momente të caktuara të historisë së kombit kanë rrezistuar të bëjnë kompromise në dëm të tij.

(Babe Dudë Karbunara)

Postimi i plotë i Edi Ramës: 

AMACORD

Rrallë herë e kemi parë të plotë foton e patriotit të madh beratas, Babe Dudë Karbunara, 175 vjetori i lindjes së të cilit përkujtohet sot, sipas kalendarit gregorian, apo “alla frenga” siç quhej dikur.

I zbardhur nga vitet e një jete mbushur me ngjarje të mëdha e të vogla që do t’ja vlenin nje roman kalorsiak, Babe Dudë Karbunara nuk e humbi kurrë toruan, e cila shkon dorë për dore me buzëqeshjen, me gjithë rreptësinë dhe vështirësitë e sfidave me të cilat u përball dhe refuzimin jo pa pasoja të çdo kompromisi në dëm të interesave të epërm të kombit shqiptar.

Respekte kësaj figure atërore të mbarë kombit shqiptar.

Redaksia Online
l.q/Shqiptarja.com