POP 5

Lajmet më të lexuara të 5 minutave të fundit

Politikë

Rama: Paaftësia e politikës po
e lë Shqipërinë jashtë Evropës

Është thjesht dhe vetëm paaftësi e politikës fakti që Shqipëria në zemër të Evropës, është ende jashtë portave të saj. Kjo u deklarua sot nga kreu i PS, Edi Rama, i cili në pozicionin e kryekuratorit të ekspozitës “Kontakte Euro-Shqiptare” ka çelur këtë ekspozitë në qytetin bregdetar të Durrësit pas suksesit që ajo pati në Bruksel.
Rama: Paaftësia e politikës po <br />e lë Shqipërinë jashtë Evropës
DURRES - Është thjesht dhe vetëm paaftësi e politikës fakti që Shqipëria në zemër të Evropës, është ende jashtë portave të saj. Kjo u deklarua sot nga kreu i PS, Edi Rama, i cili në pozicionin e kryekuratorit të ekspozitës “Kontakte Euro-Shqiptare” ka çelur këtë ekspozitë në qytetin bregdetar të Durrësit pas suksesit që ajo pati në Bruksel.

Rama theksoi se kjo ekspozitë u çel në Durrës për shkak të interesit të treguar nga bashkia e këtij qyteti, duke iu referuar Tiranës dhe faktit që nga bashkia e kryeqytetit nuk ka një interes të tillë Rama tha se do të gjenden të tjera mënyra për t’ia paraqitur edhe kryeqytetasve këtë ekspozitë, që e cilësoi të rrallë.

“Ne sigurisht e dimë historinë tonë më shumë se si e dinë të tjerët, por megjithatë përballja jo me tekste, por me pamjet e kontinentit ku jetojmë qysh prej shumë e shumë shekujsh më parë dhe me emrin e vendit tonë aty në mes të kontinentit, na bën që të ndjehemi ende më në vështirësi që sot vazhdojmë të jemi prapa portave të Evropës së bashkuar. Ky ishte një moment që qartësisht krijoi një perspektivë reflektimi për shumëkënd ndër ata që historinë e Evropës e njohin përciptas edhe pse mund të jenë parlamentarë evropianë dhe për më tepër pastaj vetë Shqipërinë jam mësuar ta dëgjoj përgjithësisht jo mes lajmeve të mira”, tha Rama.

Në këtë ekspozitë me trojet arbërore të vizatuara në harkun e 17 shekujve, entiteti shqiptar del i reflektuar në të gjitha periudhat historike. Pjesa e dytë përmban rreth 50 botime për Shqipërinë, të shekujve XIX dhe fillimi i shek. XX.

(jd/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Dëshmitë e krimit, Kosova bëhet me muze të të mbijetuarve të dhunës seksuale gjatë luftës

Dëshmitë e krimit, Kosova bëhet me muze të të mbijetuarve të dhunës seksuale gjatë luftës

26 Nëntor, 22:29