Rama paralajmëron fashë për energjinë gjatë verës: Nisim diskutimin, pritet rritje e konsumit ! Tabaku: Fitove zgjedhjet dhe po rrit çmimin

Kryeministri Edi Rama, gjatë ditës së sotme në Kuvend, paralajmëroi sërish vendosjen e fashës për energjinë elektrike gjatë muajve të verës. Në fjalën e tij, Rama tha se vlera që paguajnë familjet nuk është vlera reale e faturës, pasi qeveria po mbron familjet. Ai tha se gjatë verës do të rritet konsumi për energji elektrike dhe prandaj do të ulen të diskutojnë sërish për fashën e energjisë.

“Ajo që paguajnë familjet nuk është vlera reale e faturës. Familjet shqiptare dhe biznesi i vogël paguan ekzaktësisht sa paguante me çmimin përpara krizës. Ka rënë çmimi i energjisë në tregun ndërkombëtar, por nuk është kthyer aty ku ishte dhe qeveria ka pasur dhe ka vullnetin e plotë që të vazhdojë të paguajë, ndërkohë që me ardhjen e verës, konsumi do të rritet në mënyrë të ndjeshme përsëri dhe ne do të duhet të hapim diskutimin e fashës”, tha Rama.

Një reagim pas deklaratës së Ramës, erdhi nga deputetja demokrate Jorida Tabaku, e cila shkruan se pasi fitoi zgjedhjet, kryeministri po sheh rritjen e energjisë me për 95% të shqiptarëve.

“KM pasi kaloi lumin e zgjedhjeve lokale ndjehet i sigurt për të kaluar rritjen e çmimit të energjisë për 95% të shqiptarëve. Ironike! Nga vjet çmimi energjisë veç ka rënë! Të gjithë flasin për diversifikim portofoli të energjisë, qeveria flet për rritje çmimi! Qeveria e pakicës”, shkruan Tabaku.

SI.E./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Italia si moter: 25/05/2023 20:06

    E moj tabakse nuk te pelqen ngritja e energjise ?Ne pensionistet nuk harçojme me shume se 400 kv ne muaj ju qe keni vila duhet te paguani . Ky eshte kapitalizmi ,me vile u bere do qe edhe te mos paguash ?prandaj i nderron fustanet zotrote ,me canta te shtrenjta per te shitur pordhe ,por nuk ja u blen kush ,populli ju a dha pergjigjen .Me Edi Ramen ndryshoj Shqiperia dhe nen drejtimin e tij dp ndryshoj akoma me shume ,ju jeni partia me e degjeneruar ,ju jeni partia e krimineleve dhe hajduteve .

    Përgjigju
    • Sadete: 26/05/2023 08:54

      Nuk merem me politik,jam thjesht nje Mami,per familjen time,nuk kam rrok ,nuk kam fustane me.shtepiake jam.

  • Sondazhi i ditës:

    Shqipëria luan ndaj Kroacisë sfida e dytë në Euro 2024, kush fiton?



×

Lajmi i fundit

U tha se vdiq pas një goditje në tru, reagon gruaja e Noam Chomsky: Është lajm i rremë

U tha se vdiq pas një goditje në tru, reagon gruaja e Noam Chomsky: Është lajm i rremë