Kryeministri i Shqipërisë Edi Rama ka pranuar ftesën e propozuar nga Kryetari i Kuvendit për t’iu bashkuar tryezës së diskutimeve për gjetjen e konsensusit për miratimin e Reformës në Drejtësi. 

Rama ka shkruar në facebook se është i gatshëm të ulet në çdo moment në tryezën e propozuar nga Ilir Meta.

''I gatshem te ulem ne çdo moment ne tryezen e propozuar nga I.Meta! Çdo diskutim sy me sy per Reformen ne Drejtesi deri ne 21korrik i'a vlen'' shkruan Rama.

Kreu i ekzekutivit në reagimin e tij në rrjetin social nuk ka komentuar deklaratën e kreut të Kuvendit dhe aleatit kryesor në koalicion për qeveri ekpertesh deri te zgjedhje.

Kështu kryeministri Rama së bashku me ambasadorët e SHBA dhe BE në Tiranë pranojnë ftesën e kryetarit të Kuvendit, Ilir Meta për të diskutuar nesër mbi gjetjen e konsensusit për Reformën në Drejtësi, ndërsa pritet përgjigja e kreut të PD, Lulzim Basha. 
rama facebook

Redaksia Online 
(xh.k/shqiptarja.com)