Rama pret emra për bashkitë
në mbledhjen e parë me grupin

TIRANE- Anëtarët e grupit të punës për çështjet zgjedhore në Partinë Socialiste i kanë përfunduar takimet me bazën dhe është kreu i PS-së, Rama ai që do të mirëpres sygjerimet për kandidatët e zgjedhjeve vendore të 2015. Në mbledhjen e parë të grupit për vitin 2015 që kryeministri Rama do të zhvillojë me deputetët e tij do të nis punën edhe për zgjedhjet vendore të vitit 2015.

Rama nuk do të humb kohë por do të mirëpres sygjerimet dhe kërkesat e bazës të cilat do të raportohen gjatë kësaj mbledhjeje nga të ngarkuarit e PS-së, Blendi Klosi, Blerina Gjylameti dhe Musa Ulqini. Sipas anëtarëve, takimet e tyre me bazën në të gjithë vendin janë përmbyllur dhe mbledhja që do të zhvillojnë me kryeministrin dhe kryetarin e Partisë, Edi Rama pritet të jap edhe detyrat apo sygjerimet e reja për mënyrën se si do të procedohet deri në përcaktimin e kandidatëve përfundimtarë në zgjedhjet lokale nga e majta.