POP 5

Lajmet më të lexuara të 5 minutave të fundit

Arkiva

Rama pret  Ministrat e Jashtëm dhe të Drejtësisë të Austrisë

Kryeministri Edi Rama prit sot në takim Ministrin e Jashtëm dhe atë të Drejtësisë të Austrisë, Sebastian Kurz dhe Wolfgang Brandstetter, të cilët që në nisje të takimit theksuan se qëllimi i kësaj vizite ishte shprehja e mbështetjes që Austria i jep Shqipërisë dhe statusit të saj të vendit kandidat në Bashkimin Europian.

Kryeministri Rama i falenderoi për mbështetjen e vazhdueshme të Austrisë. Kryeministri falenderoi Ministrin Kurz për nismën për t’ju drejtuar me një letër homologëve të tij në BE, për të mbështetur statusin kandidat për Shqipërinë.

Në takim u ndanë mendime rreth qasjes europiane ndaj rajonit të Ballkanit Perëndimor. Kryeministri Rama rikonfirmoi pikëpamjen se është pikërisht aspirata europiane e të gjitha vendeve të rajonit që bëri që ky të jetë viti i parë në paqe. Rajoni si i tërë e kuptoi se Europa është më e rëndësishme se konfliktet. Por që kjo arritje të jetë e qëndrueshme, në bindjen e Kryeministrit Rama, kërkon shtyrjen përpara të bashkëpunimit rajonal dhe gjetjen e hapësirave të reja për të mbështetur edhe financiarisht, bashkëpunimin me rajonin e Ballkanit Perëndimor. Në këtë drejtim, Austria si mbështetëse e rajonit mund të luajë një rol të rëndësishëm.

Në takim u fol edhe për rritjen e bashkëpunimit dypalësh dhe për reformën në sistemin e drejtësisë. Kryeministri, nënvizoi se Qeveria është e vendosur në këtë sfidë jetike për shoqërinë shqiptare.

Ministri i Drejtësisë Brandstetter ofroi mbështetjen e Austrisë, në të gjitha përpjekjet e Qeverisë për reformimin e sistemit të drejtësisë.

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51